網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月30日 星期二

英超Fever:冇眼睇迪基亞 曼聯1.2億歐斟堅‧鋼門 __,曼聯,

(互聯網)過往5屆曼聯年度最佳球員,迪基亞攞足4屆,但今時今日嘅迪基亞,似乎離自己最佳水平已愈來愈遠。迪基亞接連於鬥巴塞、曼城及車路士嘅大戰中犯錯,曼 ...


(互聯網)


過往5屆曼聯年度最佳球員,迪基亞攞足4屆,但今時今日嘅迪基亞,似乎離自己最佳水平已愈來愈遠。迪基亞接連於鬥巴塞、曼城及車路士嘅大戰中犯錯,曼聯本季嘅聯賽失球,已比上季多21球,迪基亞所受壓力愈來愈大。據ESPN報道,曼聯將於今夏斥資1.2億歐元,收購馬體會門神奧比歷,呢名斯洛文尼亞門將本季撲救率照舊高過8成,毫無疑問係當今球壇最佳門神之一,迪基亞嘅曼聯生涯或會正式結束。

迪基亞踢到冇晒信心,正場上精神面貌曳到震,球迷都插佢淨係識嗌加人工,搞到於場上精神恍惚,其中歐聯面對美斯軟弱無力嘅埋門都救唔到,跟住又畀利萊辛尼射死位入,剛鬥車路士仲將魯迪格嘅遠射撲番去門前,畀馬高斯阿朗素執雞成功。其實近18個月,迪基亞犯錯頻頻,睇到佢派膠派到出神入化,曼聯迷又點會唔心痛。

迪基亞勁唔似樣,ESPN報道曼聯正認真考慮,以1.2億歐元激活奧比歷嘅解約條款,將呢個堅‧門神帶到奧脫福。奧比歷近年均被視為全球最佳門將之一,而佢自14年加盟馬體會後,每季嘅成功撲救率都超過8成,長期都有超高水準演出。近期馬體會後防多傷兵,奧比歷多次以個人之力拯救球隊,教練施蒙尼就讚佢係全球最佳門將。

奧比歷本季20次保持不失,全歐只有利物浦門將艾利臣比加可以做到呢個數字。奧比歷今年只有26歲,未來只會更加犀利,如果紅魔鬼真係收購佢,防守肯定大有改善。

《彩報》豪裝,入市即贏!撳撳呢條Link,寶藏等你拎:http://win.on.cc/football/ 




來源 source: http://hk.on.cc
鍾意就快D Share啦!