掃呢頁CODE去手機

2019年5月7日 星期二

《復仇者聯盟4》:劇透慎入!《蜘蛛俠2》預告對接《復4》送驚喜 __,復仇者聯盟,復仇者聯盟4,

Tom主演嘅《蜘蛛俠:決戰千里》公開新預告!漫威(Marvel)主席KevinFeige早前講明《復仇者聯盟4:終局之戰》(Avengers:Endg ...


Tom主演嘅《蜘蛛俠:決戰千里》公開新預告!


漫威(Marvel)主席Kevin Feige早前講明《復仇者聯盟4:終局之戰》(Avengers:Endgame)唔係漫威第3階段最後一部作品,反而今年暑假上映,由英國男星Tom Holland主演嘅《蜘蛛俠:決戰千里》(Spider-Man: Far From Home;簡稱《蜘蛛俠2》)先係,即係話《蜘蛛俠2》同《復4》劇情有關連,不過之前發布嘅預告未有太多資訊,近日《復4》上咗接近兩星期,《蜘蛛俠2》就推出新預告,當中內容同《復4》有關,即係有《復4》劇透,就連Tom都喺片頭提醒觀眾,真係考慮吓先睇落去啊!

___________________________________

如果睇過《復4》,都知道「鐵甲奇俠」羅拔唐尼(Robert Downey Jr.)於電影中嘅結局,《蜘蛛俠2》新預告一開場就有「蜘蛛俠」懷念恩師嘅場面,一句「我真係好掛住佢」完全講中晒粉絲嘅心聲,之後就見到佢獲「Happy」安慰,然後繼續做小社區嘅街坊英雄,被問到係咪「新鐵甲奇俠」仲耍晒手!

除咗講到「鐵甲奇俠」對接《復4》劇情,預告仲講到前盾局局長「Nick Fury」搵「蜘蛛俠」幫手,但對方唔聽電話,反而孖同學去度假,同Zendaya談談情,最後都係被「Nick Fury」搵上門,夾咗佢去到來自「另一個地球」兼未知正邪嘅「Mysterio」積佳蘭賀(Jake Gyllenhaal)見面,「Nick Fury」講咗句:「佢來自地球,但唔係我哋嘅地球!」仲解釋《復4》結尾一下「彈指」開啟咗唔同時空!之後「蜘蛛俠」與「Mysterio」有多場傾計場面,後者挺身對付巨型怪物「The Elementals」(元素眾),又表示救世就可能要犧牲人命,「蜘蛛俠」於預告中不但戴起「鐵甲奇俠」的眼鏡以及高科技產品,結尾更表示:「世界需要下一個『鐵甲奇俠』」,未知是否準備好承傳師傅嘅工作。至於「Happy」不但代「鐵甲奇俠」照顧「蜘蛛俠」,更於危難之中照顧埋佢班同學,被誤認為「蜘蛛俠」打工,場面搞笑!




來源 source: http://hk.on.cc
鍾意就快D Share啦!