38歲的袁偉豪兩年前因為拍攝旅遊節目《打工捱世界II》，戀上細自己11年的港姐張寶兒。雖然兩年不算長，但還能保持熱戀嗎？袁偉豪就做了很好的示範。
日前，袁偉豪在銅鑼灣出席完活動後，跟女助手到附近商場食肆吃午餐，大約一小時後，二人離開餐廳，再轉場到樓下的酒吧繼續聊天。袁偉豪點了杯紅酒和小食，兩人就這樣聊了兩個多小時，到六點半才埋單離開。二人步行往時代廣場，直接行到一間花店，但未能揀選到合心水的花，再在商場內行了一陣，他便和女助手分道揚鑣。
袁偉豪獨自一人到停車場取回坐駕，開車到跑馬地，在一間花店前停好車，便快步入店內。見他問了店員幾句，便開始專心揀花，很快便捧着一大束鮮花行出花店。問他買花送給誰？袁偉豪起初有點尷尬，支吾以對，追問之下才說：「冇呀！送畀朋友之嘛。」
記者笑他連朋友都送一大束花，實在太浪漫吧！袁偉豪即謂：「我成日買花送畀朋友，同埋呢間花店包裝得幾靚，所以買啲花，我成日都咁做。」問到收花者是否圈內人？他即解開謎底：「咪寶兒囉！」
情人節過了很久，寶兒生日是10月，問是甚麼特別的日子？袁偉豪煞有介事澄清：「唔好誤會，唔係求婚。我成日都會耐唔耐就買紮花，拍拖都要調劑吓嘅！係咪？普通買紮花送畀女友，唔係咩特別日子。」
不過，袁偉豪早前偕女友張寶兒一起出席《鐵探》大結局飯局時，就被身邊的藝人起哄催婚，叫他娶張寶兒（新聞連結： https://bit.ly/2JdjH6B ）。平常日子都買一大紥花送給女友，到真正求婚時，袁偉豪可能要花更多心思了。
採訪：徐錦池、畢紹基
-----------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9
|
鍾意就快D Share啦！
|
|
|
