掃呢頁CODE去手機

2019年5月20日 星期一

【要愛就愛】張栢芝渴求靈魂伴侶 開腔剖白生第三胎原因 __,張栢芝,

短片截圖
張栢芝為前夫謝霆鋒誕下兩子謝振軒和謝振南,去年11月第3個兒子出世,「小王子」跟母親姓取名張禮承,生父的身份保密;最近栢芝為大陸綜藝節目《女人30+》 ...


張栢芝為前夫謝霆鋒誕下兩子謝振軒和謝振南,去年11月第3個兒子出世,「小王子」跟母親姓取名張禮承,生父的身份保密;最近栢芝為大陸綜藝節目《女人30+》擔任嘉賓,開腔剖白生第3胎的原因。



8歲已想做媽咪的栢芝,相信自己20年之後最少會有一個小孩,她笑說:「小學8歲覺得小朋友最好、最單純,自己從小到大都覺得一定要生小孩子,成個人先完整,結果現在有3個。」主持問:「如果孩子長大了,要離開你呢?」栢芝說:「一定會失落囉,所以我咪繼續生,係咁生,等佢哋大又生一個,咁當然呢個肯定冇可能,不過我真係好鍾意小朋友。」



為家庭犧牲事業,栢芝不覺得可惜:「我不知道可惜在那裏,如果你要得到一些東西,就要放手一些東西,我拼命地賺錢去,到女演員最高峯的話,我就沒有那麼可愛的那3個兒子,看着他們長大,比接甚麼工作更重要,10年後我甚麼都不用管,就是我兒子來照顧我,我就覺得很開心。」



雖然父母離婚,栢芝自己亦是單親媽咪,但她說:「其實家庭對我嚟講,唔係分裂定合埋,係愛囉,可以有機會去為你愛嘅人犧牲係好大福氣,所以冇話單唔單親呢個問題,呢啲係藉口嚟,好似我爸爸媽媽離婚,我亦都係單親嘅母親,深刻記得9歲時,佢哋同我講話離婚,我好支持,因為佢哋成日嗌交,不如分開。」



當年栢芝跟霆鋒離婚大受打擊,時間和兒子醫好了情傷,現在的她說:「我覺得自己離咗婚單身,我都好陽光好彩色,要愛就愛,唔好保留,就算傷心難過都係經歷。我自己本人,我要一個靈魂伴侶,我要一個可以分擔到、傾到偈、明白對方嘅伴侶,可以同我一齊走下去,年紀老咗,我生病可以帶我去睇醫生,所以我覺得女人好強大,唔需要依靠別人得到自己想要嘅嘢,慢慢會搵到光明嘅路。」最後,她說:「38歲嘅張栢芝非常地滿足、很幸福!不是成功的人,但是,是一個負責任的人,我對自己的家庭、身邊的朋友,已經盡了自己的努力、我的責任。」



在節目中,攝製隊跟栢芝去街市買餸,她說:「我點解去菜市場,因為我會幫親戚買埋,因為我心痛佢哋要湊孫,又要家務,反正我會去街市買餸,買埋畀佢哋。經理人成日同我講,你成日都付出畀其他人,咁樣會唔會壓力好大,但我反而一啲都冇。我其實38年,呢大半生,我可以肯定到之後都係家庭為先。」



【六四30】守住歷史 拒絕遺忘

https://hk.adai.ly/zdzKtt2RiW

--------------------------------

【記住63836568】全民爆相爆片!下一個爆料王就係你

https://bit.ly/2Guolu9



短片截圖 栢芝幫親戚買埋餸(短片截圖) 栢芝幫親戚買埋餸(短片截圖)
 栢芝剖白生第3胎原因(短片截圖)

栢芝剖白生第3胎原因(短片截圖)

鍾意就快D Share啦!