馬上成為壹會員
會員專區 只限會員閱讀
薛家燕跟張智霖十九年前合作電視劇《十月初五的月光》，當年家燕姐扮演劇中初哥哥，即Chilam的養母，朝夕相對，兩人相隔多年，兩母子一直有來往，到15年，原班人馬再拍電影版，家燕姐更在去年底邀請Chilam擔任演唱嘉賓。兩人感情特別好，原來當中有不為人知故事。
當年家燕姐為生活打拼，在無綫拍電視劇外，又經常出外登台做騷，十分忙碌。拍《十月初五的月光》時，她同時接了另一部電視劇《Loving you》，欠缺休息，拍一場戲時突然甩骹痛得好緊要。
「有一日同Chilam拍跳舞戲份，半月板唔知係甩骹定其他原因，痛得好緊要，即時叫救護車送我去醫院，去到急症室時又無醫生，我一直好痛，等咗好耐，都冇醫生嚟睇我。後來Chilam入急症室，佢竟然拎張馬報入嚟同我講，家燕姐，你諗住聽日買邊隻馬。我當時痛到冇心機，佢話唔係喎，我哋要乘勝追擊。」家燕姐笑着說。
原來兩人在較前夾了五百元買六合彩，結果中獎，不過家燕姐就忘記分咗幾多，只係記得收錢時好開心。再提Chilam陪睇急症，家燕姐很感激他的心意：「佢其實想分散我嘅注意力，畀啲嘢我做。等咗一陣，Chilam又走入嚟，佢話家燕姐，你個舅父嚟咗，我心諗邊個嚟咗，後來真係有位六十歲，好似我舅父嘅人入咗嚟，佢問我邊度痛，我話呢度呀，然後佢捉住我隻腳，扭咗兩下，即刻無痛，又行得番。我再問Chilam係咩人，佢話嗰個係跌打醫師。我真係好感激佢。」
患難見真情，自此兩人感情盡在不言中。15年，她跟Chilam到馬來西亞宣傳電影，事前初哥哥又預訂了一條叫「忘不了」的靚魚給她吃，她說：「呢種魚唔容易食到，有錢都未必買到，佢真係好有心。」
立即下載APP，精彩內容壹手掌握
如對會員訂閱制有預到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
