阿田身為視后，點解佢話頂唔到心穎個角色？
視后田蕊妮晚上現身電視城，參與節目《娛樂大家》錄影。談到無綫重拍《法政先鋒IV》，正物色人選取代黃心穎，阿田謂：「公司冇叫我頂，但相信我『頂』唔到心穎嘅，因做唔到佢啲角色。（商演登台呢？）搵錢冇所謂，但要睇公司安排。」
因為節目要參與玩遊戲，她笑謂：「我容易被騙，花名叫『阿豬』，唔夠醒目，但如果朋友笑我笑得耐會嬲。我好易將氣氛搞到熾熱同尷尬，不過又唔會嬲朋友嬲得好耐嘅。」
近期忙於宣傳新歌的她，母親節前夕借用張敬軒的餐廳，與粉絲舉行抱抱會：「名額已滿，歡迎佢哋帶同媽媽着靚靚咁出席，會畀機會佢哋分享同母親最難忘及感動嘅事。我都好眼淺，驚到時會喊，要按捺住。」她又透露正計劃舉行演唱會，但詳情要稍後才公布。
來源 source: http://hk.on.cc
|
鍾意就快D Share啦！
|
|
|