鍾嘉欣同老公現身晚宴。
藝人鍾嘉欣偕老公出席晚宴，嘉欣穿起旗袍，身材Fit爆，兩人手拖手進場，合照時老公又攬腰又摸嘉欣Pat Pat打圈，認真恩愛！嘉欣說婚後第一次留港這麼長時間，她笑言晚宴上有很多隱世英雄：「第一次同老公嚟，因為我需要一個伴，老公就陪我。」她說自從選美後，相隔15年都冇着過旗袍，問老公有沒有大讚？她說：「唔知自己可唔可Carry到，不過係佢幫我揀，覺得呢套好似好有貴氣，我就幫佢揀番套西裝，大家都係同花紋嘅。」
她透露會留港過埋母親節，每年母親節也沒有甚麼特別，都會吃飯慶祝：「我個女日日都會畫卡畀我，我日日都收卡，今年個仔第一年陪我過母親節，佢應該會送個濕吻畀我，已經開始學爬，又鍾意咬拖鞋，好可愛。（生第三個？）唔會我想好好照顧兩個小朋友，地球生活唔易，好多挑戰，希望我教到佢哋有『武器』，憑武器能夠喺世界生存到，如果多一個嘅話，冇時間再教多個。」
來源 source: http://hk.on.cc
|
鍾意就快D Share啦！
|
|
|