網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月13日 星期一

英超Fever:【有片】曼聯球迷圍插普巴 句句陰毒 __,曼聯,

(GettyImages/互聯網)曼聯喺英超煞科戰主場竟然0:2不敵已篤定降班嘅卡迪夫城,賽後魔迷非常不滿,中場保羅普巴成為眾矢之的,離場遭球迷爆粗破 ...


(Getty Images/互聯網)


曼聯喺英超煞科戰主場竟然0:2不敵已篤定降班嘅卡迪夫城,賽後魔迷非常不滿,中場保羅普巴成為眾矢之的,離場遭球迷爆粗破口大罵。

曼聯繼上場打和包尾嘅哈特斯菲爾德,斷送打入前4位嘅希望之後,低處未算低,今場竟然喺奧脫福球場吞卡迪夫城兩蛋。保羅普巴踢足全場,毫無作為,更加攞咗張黃牌,賽後被評為6.6分低分。

曼聯球迷睇到火滾,認為呢位法國國腳根本冇心比賽,只係等緊轉會,所以當普巴離場時,觀眾席前排球迷立即鬧爆佢。

從現場人士拍到嘅片段見到,有球迷對普巴大聲叫:「奧萊(蘇斯克查),快啲畀佢走啦。」更有人住佢爆粗:「走你條傻X。」保羅普巴亦聽到,攤開隻手扮無奈,仲自言自語,似想還口,但又唔敢大聲講。

保羅普巴今季為曼聯射入16球及11次助攻,表面上數據唔錯,但係水準太飄忽,加上比賽態度欠佳,已經激起公憤。由於盛傳皇馬想收購保羅普巴,相信佢嘅心已經飛去西甲,紅魔鬼最好都係賣走呢位麻煩友。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 




來源 source: http://hk.on.cc
鍾意就快D Share啦!