曾經體重達180磅的肥仔森美，年紀越大身形越弗，現年45歲的他，全賴勤做運動，操得一副肌男身材；日前森美在九龍塘跑步，被《蘋果》讀者陳先生透過「爆相爆片」分享，更捕捉了森美不守交通規則，當時行人過路燈顯示紅公仔，但森美卻衝燈橫跨來回線危過馬路！
讀者陳先生接受電話訪問表示：「嗰日下晝約4、5點，我揸車經過聯合道，喺燈位停低時，見到森美喺度跑步，佢都停低等過馬路，大約仲有十幾秒轉綠公仔，佢施施然咁慢跑衝紅燈。」從讀者提供短片所見，着紅色運動背心的森美，已經跑到汗流浹背，等轉綠公仔燈時仲不停原地跑，但心急的他等了約半分鐘，見沒有車輛駛近，即衝燈過馬路。問到當時是否得森美一個衝紅燈？陳先生說：「有其他途人等緊過馬路，得佢一個衝紅燈。」
《蘋果》聯絡森美了解，他在電話認錯：「可能我跑步跑得太過瘟瘟沌沌，冇留意添，下次要留意番，如果唔係會好危險，會有意外。」日前森美都有擺跑步相上社交網，他留言：「朝早起身跑步經常都拖延，坐喺度十分鐘再坐十分鐘，再坐就一個朝早要趕出門口返工，給你一個最好的方法叫《火箭升空》，想做任何事，就倒數10 9 8 7 6 5 4 3 2 1，然後起身就做，任何事最多十秒倒數後立即發射 #火箭升空」
-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX
|
鍾意就快D Share啦！
|
|
|
