掃呢頁CODE去手機

2019年6月26日 星期三

【兩遇愛情騙子】被舊愛老婆痛罵「老小三」 梁佩瑚初識老公問:係咪離咗婚? __,小三,梁佩瑚,

梁佩瑚46歲才遇到老公,結婚3年幸福滿瀉。
梁佩瑚,89年港姐季軍,15年認識蒙古地產商人郭雲飛,拍拖8個月閃嫁,46歲那年告別盛女生涯。相關新聞:【人生走冤枉路】梁佩瑚選完港姐要食飯被導演寸: ...


梁佩瑚,89年港姐季軍,15年認識蒙古地產商人郭雲飛,拍拖8個月閃嫁,46歲那年告別盛女生涯。

相關新聞:【人生走冤枉路】梁佩瑚選完港姐要食飯 被導演寸:快啲去接客



一世人流流長,總會愛上幾個人渣!現年48歲的她,感情上遇過兩次愛情騙子,幸最終遇上命中注定的老公。



日前梁佩瑚在尖沙嘴接受《蘋果》專訪,着上在淘寶買的500元裙子,沒有富太氣燄,說話直率,是一個貼地的儍大姐,坦然面對昔日的感情重創,「遇過感情騙子,又試過呃錢啦,又試過未離婚但話畀你知離婚,跟住俾人哋老婆不停咁鬧小三,做埋啲網絡欺凌嘅嘢,用詞好抵死:『呢個做小三嘅人唔係好年輕,係老小三。』咁我覺得人哋又冇錯嘅,你做緊壞事喎!」



知道做了第三者後,梁佩瑚即扯火責問當時的男友:「佢話分開咗冇一齊住,咁都係呀,你唔可以陷我於不義,我哋係經朋友介紹,介紹時候話佢同太太分開咗,佢就話我冇問清楚,我點知啫,分開咗一般覺得係離婚,點會分開咗(意思)係分開住 ,我鬼知你咁多咩,大意囉!好在時間唔長,拍咗兩、三個月,佢屋企人好快發現。」



至於呃錢的那個男友,梁佩瑚谷氣說:「唔好講呃咗幾多錢,都係自己大意囉,遇人不淑,嗰個仲要周邊朋友都俾佢呃,佢連阿妹都呃,呢個拍咗兩、三年,梗係傷,而家諗番往事一樁,人生嘛。」



雖然遇過兩次愛情騙子,但猶幸對愛情沒失去信心:「我唔係硬淨,睇得開囉,因為我老公都話,我同佢好似,我哋都係瞓得好好嘅人,佢話有心事嘅人瞓唔到覺,但我哋有乜唔開心,捱一個禮拜度,搵方法解決。我生完日都49歲,好快已經半百,經歷咁多嘢,當時覺得點解咁不幸,而家睇番咁咪小心啲囉。」



性格樂觀的她說:「如果唔遇過咁嘅事情,識我老公時,唔會第一時間問佢係咪離咗婚,佢即刻send晒離婚協議書畀我,睇到佢好有誠意。」跟老公一見鍾情?她說:「佢話第一次見到我就鍾意我,但我就:得唔得呢?同埋佢好鍾意講嘢,我覺得男仔應該沉實啲、cool啲、型啲,我同佢食飯,佢不停說服我嘗試同佢拍拖,覺得佢又幾有誠意,咁咪試吓囉。」



兩人拍拖8個月閃婚,老公如何令她有信心?梁佩瑚說:「雖然受過兩次傷害,但我識老公時都45歲啦,唔通我之前只拍過兩次拖咩,有遇過衰人亦有遇過好人嘅,會諗係咁啦,硬係會有時運高時運低嘅時候,好似我識老公前,嗰排好多人話:『你仲未結婚呀,介紹人畀你識好唔好?』好多女仔會話:『唔好啦,單身都幾好呀!』但我唔會囉,永遠人哋話介紹,我:『好,幾時?快啲。』我好積極嘅,我唔係恨結婚,我係想有個伴,因為睇到爸爸年長,佢一個人係孤獨嘅,同埋朋友圈裏面,成日見到一對對夫婦,有時夜晚返屋企,你想飲酒有人share一支冇咁醉,傾偈時身邊有個人。」



梁佩瑚冇選錯,婚後生活很開心:「有乜事有商有量,有時遇到突發事情一齊面對,有次有人侮辱佢,我好難受,原來佢係我老公之後,變咗係自己嘅感覺。以前一個禮拜飲5晚酒,佢而家只畀我飲兩晚酒,我哋40幾歲先識,要珍惜餘下時間,點樣享受未來日子,最好方法保護好身體。」身在福中的她笑說:「唔開心嘅都有㗎,老公係白手興家,後生好勤奮工作,捱過吓,而家好鍾意enjoy life,成日要去玩,但我唔係,成日去旅行好攰,譬如上次(4月)我哋未去完泰國,佢已經問5月去邊,6月又要去溫哥華,佢話好悶,我話好煩。」



老公是地產商人,做了少奶奶的她沒變名牌奴隸,反而在淘寶買衫,「我覺得衫呢,有時成日影相po社交網,着嚟着去幾件好悶,淘返嚟着完又另一個網站賣出去,幾好先,又環保,唔使屋企塞大堆衫。除咗衫之外,呢兩個豬狗(公仔)都係淘返嚟,我老公屬豬,我屬狗,我見到呢啲屋企擺設都會買。」



撰文:余燕儀

攝影:沈健程

攝錄:馮嘉銘

場地:Harlan's (The ONE)





-----------------------------

7月4日起 《蘋果動新聞》只限升級壹會員閱覽

繼續撐蘋果!

https://hk.adai.ly/e/iIRREmuwDX



雖然曾兩遇愛情騙子,但未令她對愛情失去信心。 雖然曾兩遇愛情騙子,但未令她對愛情失去信心。
身上的裙子是在淘寶買,只花500元。

身上的裙子是在淘寶買,只花500元。
 當年曾矇查查介入別人婚姻,還被鬧「老小三」。

當年曾矇查查介入別人婚姻,還被鬧「老小三」。
 淘寶買生肖公仔,豬仔代表老公,狗仔代表梁佩瑚。

淘寶買生肖公仔,豬仔代表老公,狗仔代表梁佩瑚。
15年認識蒙古地產商人郭雲飛,拍拖8個月閃嫁。(圖片由受訪者提供)

15年認識蒙古地產商人郭雲飛,拍拖8個月閃嫁。(圖片由受訪者提供)
找到一個相伴一生的人。(圖片由受訪者提供)

找到一個相伴一生的人。(圖片由受訪者提供)
老公對她一見鍾情。(圖片由受訪者提供)

老公對她一見鍾情。(圖片由受訪者提供)
吳婉芳戥好姐妹梁佩瑚出嫁開心。(網上圖片)

吳婉芳戥好姐妹梁佩瑚出嫁開心。(網上圖片)
梁佩瑚認識老公時,第一時間問清楚對方是否已離婚。(網上圖片)

梁佩瑚認識老公時,第一時間問清楚對方是否已離婚。(網上圖片)
婚後生活甜蜜,凡事有商有量。 (網上圖片)

婚後生活甜蜜,凡事有商有量。 (網上圖片)
老公寫情書慶祝結婚3周年。(網上圖片)

老公寫情書慶祝結婚3周年。(網上圖片)

鍾意就快D Share啦!