馬上成為壹會員
會員專區 只限會員閱讀
51歲李克勤同45歲盧淑儀，結婚13年，兩個仔都分別11歲和9歲，稱得上老夫老妻了。不過，佢哋依然甜蜜，成日糖黐豆四圍去：打golf、睇球賽、商演、幫屋企入貨等等。早前，《壹》仔正正就見到佢兩公婆，孖公仔行超市。
李克勤之前到西藏拉薩參加商演，因為高海拔關係，令佢唱咗無一萬都幾千次嘅《紅日》，竟然唱到上氣唔接下氣，中間亦停咗一句無唱要嚟唞氣，事後仲要吸氧氣，令佢都唔好意思話「失禮晒」。老婆盧淑儀都有跟埋去，但似乎唔太擔心，仲笑克勤「Naughty boy」。
呢個「Naughty boy」的確有小朋友嘅一面，同盧淑儀行超市期間，見到日式蟹心思思想食，唔係立即揀返盒，而係話畀老婆知再帶對方過去，好似小朋友買嘢要得媽媽同意一樣。
兩公婆愈買愈多，盧淑儀最後都要拎架車仔，粗重嘢當然交畀李克勤啦，之後就四圍穿梭睇有咩可以買。至於克勤，好似小朋友咁原地企定定等媽媽，唔會亂咁走開，好乖乖。直到盧淑儀買完嘢返嚟搵返佢，先至一齊去排隊埋單。
拎銀包出嚟負責畀錢嘅係盧淑儀，換言之家庭嘅財政支出，掌握喺老婆手上，難怪克勤想買嘢要先問下對方啦。老婆都好識做嘅，會畀返張單老公過目check數，最主要目的當然係示意尊重啦。所以，克勤唔會真係拎張單嚟睇，反而一手搶走老婆手上嘅膠袋，唔使老婆拎粗重嘢，又係愛妻號一個。
立即下載APP，精彩內容壹手掌握
如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|