27歲的何艷娟（Katherine）可說是近年港姐的傳奇人物，2014年當選季軍後，工作量不多，但去年忽然升呢，戀上67歲的澳博營運總裁吳志誠，並入紙申請結婚，但爺孫戀婚姻未夠一年玩完。但何艷娟越戀越富貴，早前又被踢爆與55歲、家族坐擁逾200億身家的陳燿璋（Anson）舞池攬啜，更被讀者影到與Anson去蒲台島拍拖都帶埋媽媽。（相關新聞： https://bit.ly/2KlT2UI ）
日前《蘋果》收到讀者梁先生（化名）爆料，提供3張聲稱是何艷娟17、8歲在英國讀書時期的學生相。相中人與何艷娟有八成相似，但單眼皮，臉圓圓，而且鼻樑沒有現在般高直。梁先生說：「張相係2008年6月喺英國時影嘅，嗰時佢（何艷娟）住學校宿舍，佢一直都好唔鍾意自己嘅超級單眼皮，仲有個鼻唔夠高，成日睇住范冰冰啲相。放完暑假9月飛返英國，就變咗雙眼皮，有冇整容我唔知，但個鼻真係比以前高咗，可能係化妝效果或P圖」
另外兩張相是學校運動日，當時所有學生都穿上運動裝，梁先生續謂：「佢以前英文名叫Katie，平時都有幾個華人觀音兵埋身，但個個正正常常着件運動衫，係佢就摺低條運動褲，露吓腰騷啲肉出嚟，派軍糧畀佢啲兵。」梁先生表示曾聽過何艷娟自取外籍女同學的化妝品，操行麻麻，但讀書成績不俗。
《蘋果》曾以短訊聯絡何艷娟，問是否有整容，還是化妝技巧令自己變靚？但至截稿前仍未回覆。
其實看回何艷娟一些舊照，確實是女大十八變，五官越大越精緻！她在參選港姐前一年，即2013年，當時讀港大法律系Year 4的何艷娟便參加了《FACE周刊》舉行的UStar大專校花校草大選，並被選為「網上人氣UStar Girl」。重溫當時的樣貌，何艷娟已有好深的雙眼皮，但圓圓的臉蛋，與現在瓜子口面有好大分別，而其中一個OL造型，更有點像年輕版的康華。
在北京出世的何艷娟，媽媽是北京人，爸爸是香港人，兩個月大時來港生活。何艷娟的餅印媽媽一直好努力培育愛女成才，曾有報道指何艷娟被媽媽安排到英國讀高中，但何艷娟覺得媽媽「夾硬嚟」，有一段時間非常反叛，經常逃學和走堂，被老師罰留堂。但一次在長途電話中隱約聽到媽媽偷泣，令她好心痛，她便決心考好成績，最終在香港大學法律系，以三級榮譽畢業。
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9
| 何艷娟的少女年代是單眼皮，與現在雙眼皮、面尖尖有頗大分別。（右圖：讀者提供） | | |
| | | |
| | | |
| | | |
| | | |
| |
|
鍾意就快D Share啦！
|
|
|