掃呢頁CODE去手機

2019年7月10日 星期三

【基哥出殯】陳慎芝勸年輕人勿吸毒:有好多後遺症 __,陳慎芝,

陳慎芝昨晚為李兆基於鑽石山殯儀館設靈,今早10時進行大殮。
資深演員李兆基上月2日因肝癌擴散至肺部病逝,終年69歲,基嫂邱巧貞、陳慎芝昨日為李兆基於鑽石山殯儀館設靈,以基督教儀式進行,今早10時進行大殮。好友陳 ...


資深演員李兆基上月2日因肝癌擴散至肺部病逝,終年69歲,基嫂邱巧貞、陳慎芝昨日為李兆基於鑽石山殯儀館設靈,以基督教儀式進行,今早10時進行大殮。



好友陳慎芝及顏汘汶早上9時抵達,基嫂亦一早到靈堂為亡夫打點身後事,9時半完成儀式,白色棺木移送出靈堂,基嫂抱着亡夫遺照,步上靈車,遺體移到鑽石山火葬場火化,顏汘汶亦到火葬場禮堂送別好友,基嫂步出時心情平復,跟親友閒聊幾句。



顏汘汶稱自己是基哥帶入行拍電影,問到二人相處最深刻回憶,她說:「係舞獅,因為自細就好驚人舞獅,基哥成日有好多活動去花炮會,咁現場係有人舞獅,基哥知道我驚之後,成日安排我參加,基哥鬧我,叫我一定要克服,同我講你做呢行,人哋有時要剪綵點睛咁點算,呢一個就係自己同基哥最深刻嘅事。」



她笑言許多人覺得基哥又惡又cool,續道:「對住基哥係多一份尊重,喺佢面前都唔會玩得太癲,講笑都唔敢去得太盡,基哥嗰時都睇住好多亞視藝人,有錢齊齊搵,絕對有義氣,後期我哋都有微信聯絡,試過幾次想約佢出嚟食飯,但係基哥有時好硬頸,可能要覆診都唔會講,基嫂都叫佢同我講聲就得,好在基哥好聽基嫂話,咁就一而再再而三押後,都遺憾見唔到佢,如果基嫂第時有咩需要,我哋喺能力範圍內都會幫佢。」



陳慎芝指在喪禮上見到許多有情有義的畫面,好似杜琪峯、劉偉強、黃秋生、徐錦江及羅家英昨日都到殯儀館送別好友,所以代表基哥多謝大家,他說:「要勸告年輕人唔好吸毒,因為當你戒毒,隔咗好多年之後,亦會有好多後遺症出現,好似肝癌及肺癌,我嘅學生都有問我驚唔驚,我都話其實冇得驚,自己戒咗毒四十幾年,活到71歲,覺得已經賺咗,希望今次畀到一個訊息給年輕人,同埋要孝順父母,有一次見到基哥嘅家姐同細佬,大家見面好似陌路人咁,甚至我媽當年見到我都唔會打招呼,自從戒毒之後,大家見面係開心咗,媽咪知我戒毒拎到獎,佢都好開心周圍同人講。」



此外,陳慎芝讚秋生有情有義,他說:「今次見秋生有心嚟,覺得好感動,因為佢平時份人睇嚟好有個性,不過今日見佢現身都覺得佢係有情有義。」基哥骨灰會安放於鑽石山火葬場骨灰龕位。



陳慎芝昨晚為李兆基於鑽石山殯儀館設靈,今早10時進行大殮。 好友陳慎芝及顏汘汶早上9時抵達。 好友陳慎芝及顏汘汶早上9時抵達。
9時半完成儀式,白色棺木移送出靈堂。

9時半完成儀式,白色棺木移送出靈堂。
基嫂步出時心情平復,跟親友閒聊幾句。

基嫂步出時心情平復,跟親友閒聊幾句。
顏汘汶到火葬場禮堂送別好友基哥。

顏汘汶到火葬場禮堂送別好友基哥。
陳慎芝指在喪禮上見到許多有情有義的畫面。

陳慎芝指在喪禮上見到許多有情有義的畫面。
劉偉強昨日圈中好友到殯儀館送別好友。

劉偉強昨日圈中好友到殯儀館送別好友。
黃秋生

黃秋生
杜琪峯

杜琪峯
羅家英、 徐錦江

羅家英、 徐錦江

鍾意就快D Share啦!