掃呢頁CODE去手機

2019年7月10日 星期三

羅霖:封胸唔再影水着 羅霖獲仔仔撐獻吻 __,羅霖,

好溫馨呢!「美魔女」羅霖舉行新書發布會,獲眾多好友到場支持,包括米雪、謝雪心、梅小青、鄭明明、林建明、康華、周家蔚、陳庭欣、陸詩韻等人,場面十分熱鬧。 ...


好溫馨呢!


「美魔女」羅霖舉行新書發布會,獲眾多好友到場支持,包括米雪、謝雪心、梅小青、鄭明明、林建明、康華、周家蔚、陳庭欣、陸詩韻等人,場面十分熱鬧。身穿紅色中門大開晚裝的羅霖獲兩個囝囝攙扶出場,囝囝更錫錫羅霖,場面溫馨。

受訪時,羅霖表示冇諗過兩個仔會上台:「因為佢哋大個會怕醜,之前叫佢哋嚟出席,但尋晚佢哋突然話要上台,好彩佢哋冇怯場,同埋我本身唔係着呢件晚裝,但兩個仔話要着三件頭,因為有型,所以我就着番呢件晚裝襯番。(佢哋又肯錫你? )係呀好開心,平時冇咁畀面。」她又表示今日有出嫁的感覺:「因為有好多朋友嚟支持,相信就算將來我再嫁都冇咁熱鬧,因為想低調進行,今日呢條裙幾年前做,終於有呢個隆重場合可以着。」

講到攝影師指她拍泳裝時很怕醜,她坦言出埋今次書之後唔會再影泳裝:「因為我都睇自己睇到夠,留番其他後生靚嘅影,我都出過兩次書,每次都係挑戰自己,如果下次再出書,我會搵另一突破,唔會再影泳裝。」她又表示本書首批印了4,000本,將會再印第二版,而此書收益用作慈善用途,暫時捐得8萬,分別捐給單親協會、心晴行動及仁美清叙,很開心自己可以盡少少綿力做慈善。另外,她又透露計劃與鄭明明合作推出自家品牌面膜:「因為我好鍾意敷面膜,一星期敷四、五次,我用開嗰隻又唔再出,所以就想同鄭明明出面膜,依家開始籌劃,希望年尾出到。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!