- 【中國外交部嬲爆鬧不自量力】為港人發聲 何韻詩平安返港:佢反應咁大 証明我講嘅係啱
- 28分鐘前
日前何韻詩在瑞士日內瓦人權理事會上，發表有關香港近期有關反送中的演說，指上月有200萬港人上街遊行，反對香港修訂《逃犯條例》，當中提到香港的自治被蠶食。其間中方代表兩度打斷何韻詩，企圖阻止佢發言。但何韻詩越受打壓越企硬，最後更呼籲聯合國，舉行會議保護香港，以及人權議會應將中國除名。之後何韻詩更被美聯社一篇報導，形容佢對中國夠尖銳兼多元化。何韻詩此舉當然震動中國外交部，事後發言直斥佢:「癡心妄想，不自量力。」
喺內地官員視為一隻雞蛋，不自量力，但又竟能擠身國際會議，代表香港發聲的歌手何韻詩，贏倒不少港人掌聲。
今日佢終於平安返港，對於中國外交部為佢有咁大有反應，阿詩話:「佢哋咁大反應，即証明我講嘅嘢係啱，亦表現出呢個國家係唔容許有唔同嘅聲音。況且我講嘅係事實，所以唔需要擔心。我冇觸犯法例，香港係有言論自由，選擇得抗爭呢條路，就預咗面對唔同嘅後果。若有日真係咁樣，香港情況已經好差，反唔到轉頭。所以能夠有機會講，就更加要講多啲。」
對於特首「林鄭」昨日發表的一番言論，阿詩又點睇？「呢啲語言偽術。香港最終目標係需要真普選，林鄭無得避。唔好就咁講啲成語(壽終正寢)呃下港人就得。」無畏無懼嘅阿詩話下半年，亦有多個類似呢啲人權演講出席。
至於網民發起不同地區遊行，阿詩大讚港人有創意。「呢條抗爭路好長遠，十八區抗爭係必須。雖然幅牆好高好大，但經過一輪抗爭睇到係有進展，至少迫到林鄭再一次出嚟講嘢。」 詳情：http://bit.ly/2YBCug0
來源 source: http://nextplus.nextmedia.com
|
鍾意就快D Share啦！
|
|
|
