張秀文和湯洛雯（靚湯）今午現身海洋公園宣傳以動漫為主題的夏日活動，張秀文露腰谷胸性感登場，直認造型是參考動漫中受歡迎的主角「娜美」，並說：「自問唔夠個角色正，娜美係三點式，我已經保守咗好多。」而靚湯着得更保守，只穿一字膊露肩裝，被取笑給比下去，靚湯笑說：「每個活動都要賣自己優點，我好明顯着咗喺身上啦。」
見張秀文的左手手踭貼上一塊大紗布，笑言自己是扮賢妻煲湯時整傷手，靚湯即爆料「有好消息」，張秀文緊張否認：「冇呀，見我咁失敗就知，唔練習定驚嫁唔出，現時係單身。」靚湯接着說：「歡迎光臨。」
而靚湯透露剛補拍完《法政先鋒IV》，可重出江湖賺外快。對於一直有傳她與舊愛羅天宇復合，靚湯說：「邊個話呀？我單身。」早前兩人一齊出埠拍旅遊節目時表現恩愛，不少觀眾都希望他們能再續前緣，靚湯說：「估唔到咁大迴響，大家對我哋仲有幻想，現時相處方式最舒服，大家好朋友。」張秀文看到好友節目卻有另一番感受，她說：「靚湯做《學是學非》時好有形象，扮鬼臉唔會做，好有女神包袱，但嗰個節目就表現自然。」
另外，近日網民發起「反紅媒」行動狙擊無綫活動，黎諾懿原定今日下午的活動亦取消，靚湯說：「唔太擔心，有公司安排，唔覺好大影響，公司安排做就做，做好自己先。」張秀文則說：「冷靜面對，做好自己，做咩都好最緊要安全為主。」
------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
|
鍾意就快D Share啦！
|
|
|
