事主好勇敢！
在元朗出街都無辜捱打？近日元朗有女士指無任何前因下，突然遭大叔起腳踢，她指自己無懼「惡勢力」，憤而拍片還擊︰「蝦女人呀你」。
有女網民星期四（25日）在網上講述事件指，她行經裕景坊近小巴總站時，被一個「迎面而過」的中年漢「靜雞雞反腳踢」，她指與對方事前並無發生衝突，自己亦「冇做過任何嘢」。
從她上傳的片段所見，當時大叔作勢踢向女事主︰「你唔好影呀！影我一腳伸你去…過嚟我劏咗你」。她隨即反斥︰「你試吓過嚟打我呀！喂走呀？你蝦女人呀！」
事主事後在網上「報平安」，直指雖然當時街上只有公公婆婆，並無其他途人幫忙，但仍「不會向惡勢力低頭」。
不少網民怒斥大叔「黐線」︰「其實好多仆X都專係蝦女人！呢啲都唔知係咪男人嚟」、「好多元朗人以為自己大X晒，要小心」、「其實係咪真係要組織個保護市民組織」。有人亦大讚事主勇敢︰「堅揪」、「佢揀中個辣椒妹，廢老即刻X縮」。
---------------
《港呢啲》：大事小事騎呢事，東網嚴謹選題，輕鬆製作！
來源 source: http://hk.on.cc
|
鍾意就快D Share啦！
|
|
|