梁舜燕（Lily姐）與丈夫阮黎明，膝下有4名子女，分別是曾在亞視擔任監製的大仔阮惠源、二女阮曼莉、曾任麗的電視演員的已故孻仔阮惠熊，她的孫仔阮浩棕亦曾在無綫做藝員，現時在北京發展。
Lily姐14歲演舞台劇時認識阮黎明，是她的初戀情人，雖然遭到父母反對，但Lily姐答應婚後會繼續照顧雙親，於是17歲便下嫁阮黎明。多年來兩夫婦鶼鰈情深，阮黎明更是當年鼓勵她到麗的映聲考藝員的人，即使相愛逾60載，他們仍會互相跟對方說「I love You」。2012年，阮黎明因心臟衰竭離世，令Lily姐「痛得無法形容」，惟有搬離多年來的愛巢，方便家人照應。
孻仔阮惠熊更早在1998年離世，因為減肥過度患上厭食症，每日只吃一個蘋果，又服用減肥藥。當時阮惠熊到菲律賓探望家姐，其間突然器官衰竭，從此陰陽相隔。當時正拍攝經典處境劇《真情》的Lily姐得聞噩耗，終日以淚洗面傷心成疾，更一度留院兩星期。
而Lily姐於06年曾接受《蘋果》專訪，她表示曾深信自己是最幸福的女人，直至98年底，最疼錫的孻仔病逝，令她遇上人生最大的打擊，當日Lily姐說：「個仔嘅死對我真係好大打擊，當年啲人好驚我抵受唔住自殺，嗰陣我拍緊《真情》，日日入廠對住鏡頭笑，但一放工，上到城巴就忍唔住喊，喊到冇晒儀態，個心日日痛。所謂憂能傷人，結果積積埋埋兩年之後入咗醫院，醫生話醫唔到我，呢個病要我自己醫，我住咗兩個禮拜，而家睇番個仔母親節送畀我嘅卡都覺得好心痛！」
|
鍾意就快D Share啦！
|
|
|