【爆相爆片】
現年51歲的許志安今年4月被《蘋果》獨家踢爆在車廂中與黃心穎偷食後，安仔即開記招向太太鄭秀文（Sammi）道歉，直認是「壞咗嘅人」，之後Sammi選擇原諒安仔。昨日Sammi與安仔被《蘋果》讀者影到手拖手甜蜜現身機場，同一時間本報記者拍得張衞健與太太在機場出現，相信大家一齊出發到英國。
相關新聞：古仔壽包紅酒賀生日
鄭秀文上周六完成13場紅館演唱會，完騷後Sammi受訪時已表示會去旅行休息，但被問會否與老公許志安同行，Sammi當時只表示會和朋友去。昨日下午約1時40分，《蘋果》讀者吳小姐透過「爆相爆片」，直擊Sammi和安仔甜蜜出發去旅行，而同一時間《蘋果》記者亦發現張衞健和老婆張茜現身香港機場。
落車手拖手
吳小姐昨日接受《蘋果》電話訪問時表示：「今日大約1點40分左右，見到Sammi同安仔，佢哋同我一齊上咗㗎無人駕駛列車，然後喺40至80號落車。」相中所見，穿皮褸全黑打扮的Sammi素顏沒有化妝，她將頭髮束起及戴上太陽眼鏡，而安仔則揹了一個黑色背囊，穿藍色牛仔恤衫襯牛仔褲。吳小姐說：「安仔戴咗口罩，見佢上車同Sammi密密斟，架車唔算多人，但Sammi都有四圍望，我舉高電話佢都有望一望我，但佢哋落車時就手拖住手咁行。」
相關新聞：【蘋聞重溫】正能量走出「安心」陰霾
據知，安仔與Sammi此行是跟BIG FOUR好兄弟張衞健兩夫婦同行，不過四人就全程小心低調，嘗試避過傳媒追訪。《蘋果》記者昨午約1點15分，在機場離境大堂南閘的自助閘口，就見到張衞健與張茜夫婦，張衞健一身黑衣及戴上黑色冷帽的打扮，而張茜則穿了米色西裝外套及裙。二人選擇在閘口較偏僻的位置入閘，張衞健拿出身份證過閘時不時東張西望，相當警惕。
探望雷頌德
安仔、Sammi、張衞健和太太張茜四人同遊而分開離境，相信是Sammi為怕四人齊齊現身機場會太張揚，故兩家人才決定分開在兩個機場大樓入閘，上機後才會合。《蘋果》亦收到消息，四人今次目的地是英國，估計他們會順道探望已移居當地的雷頌德及太太梁家玉。
識於微時的安仔與張衞健，由華星年代開始已是好兄弟，更與蘇永康、梁漢文組成BIG FOUR開演唱會搵食，今年4月安仔自爆出「偷食」黃心穎後，雖然安仔即時開記者會認錯及停工，但依然被封賤男，部份Sammi歌迷至今仍未原諒他背叛偶像，雖然Sammi早已稱原諒安仔，不過一班BIG FOUR兄弟亦幫手，望兩人盡快走出陰霾。
採訪、攝影：羅德光、黃曉程、梁繼光、吳耀輝
|
鍾意就快D Share啦！
|
|
|
