政圈幾乎已肯定，中央會將特首林鄭月娥換走，只差遲早問題。但不少民主派甚至溫和建制中人均同意，若不同時處理警察濫暴、成立獨立調查委員會、依法懲處證實違法警員，即使換了特首及其班子，一樣無法解決目前管治問題。有政界中人指，北京知道港人普遍對警隊有強烈不滿，他聽聞北京對成立獨立調查委員會態度非鐵板一塊，只是要等時機。他估計北京處理林鄭後，就會處理警察。
相關新聞：南亞人舉「正義必勝」牌聲援
中間人：港警衰過公安
該政界中人指，以他所知不少人、包括一些溫和建制中人在內，也向北京力陳成立獨立調查委員會調查警察濫暴指控，以挽回民心，「不論民主定建制派都好清楚，所有民調、民意顯示市民對警察完全失去信心，即使換走林鄭，冇獨立調查委員會、冇重組警隊，邊個做特首都管唔到落去」。
事實上有些內地中間人也私下對他說，北京支持警察止暴制亂，但對一些警察過份行為或言論，「北京係心知肚明，只係現時唔出聲住，就好似一日林鄭係特首，一日都支持佢依法施政」。該中間人坦言看過一些警察胡亂打途人短片，「連佢（中間人）都話大陸公安、武警都唔敢公然喺鏡頭下咁做，因為一定會追究」。
至於何時處理獨立調查委員會問題，該政界中人相信，林鄭下台之後，北京就要處理警隊問題，但情況與處理林鄭下台一樣，「北京要等適當時機，既然換得特首，就係要新人搞返好政府管治同民望，查差人就不可能不做」，不過按目前局勢，若北京再拖延成立獨立調查委員會查警察濫暴，「唔好講太耐，拖多一、兩個月，主流民意會連成立獨立調查委員都唔收貨，會要求立即重組甚至解散警隊」。
季陶
周一、三、五刊出
|
鍾意就快D Share啦！
|
|
|