2019年10月24日 星期四

【現身醫院探男孫】四太梁安琪左擁右抱孫仔女 承諾有大獎送新抱 __,四太,梁安琪,

攝影:仇志德
賭王四房的何猷君和奚夢瑤為賭王添首個男孫,囝囝改名何廣燊(Ronaldo),早前才升呢做外婆的四太梁安琪,立即又升呢做嫲嫲,她更笑言變成了「嫲婆豆腐」 ...


賭王四房的何猷君和奚夢瑤為賭王添首個男孫,囝囝改名何廣燊(Ronaldo),早前才升呢做外婆的四太梁安琪,立即又升呢做嫲嫲,她更笑言變成了「嫲婆豆腐」,四太今晚7時多出現養和醫院採望乖孫,見到守候的記者,四太開心停步做訪問,全程笑到四萬咁口的她說:「多謝,多謝,真係好開心,諗唔到喜事重重,我自己都覺忽然間升級,變咗大家所講嘅『嫲婆』,我同好多朋友講會請你哋食麻婆豆腐餐。」

相關新聞:【親自剪臍帶】四太梁安琪開心抱男孫:點都係何生最靚仔



問到四太可是要日日來抱孫?她答:「由而家開始日日嚟抱吓個孫,好多謝大家,辛苦大家。」四太表示未想到會送甚麼給新抱:「未諗到,因為提早咗,商量吓啦,我未知要有乜送嘢畀BB同新抱,新抱同囡囡超盈又好,兩個同我傾偈,知道做媽咪唔係咁簡單,佢哋都捱過懷孕過程,我相信佢哋會好錫個BB。」



四太笑言會狂湊孫,她說:「我老嘛,我要退休。」是否左右手各抱一個乖孫?四太續說:「都得嘅,耕過田。BB幾磅?佢都足月。」下月賭王便生日,賭王抱孫非常開心,四太說:「你諗吓佢會唔會唔開心,梗係開心啦。」可會送大給孫仔?四太說:「你講咁嘅嘢,呢啲咁奢侈嘅梗係留番佢爹哋媽咪努力去做,我自己送乜畀新抱,我覺佢都好辛苦,我都要諗一諗,咁都要有秘密,唔公開。」可會是任填銀碼支票?她說:「佢講。」四太會過兩招給子女湊小朋友嗎?她即說:「而家唔同咗,我幫手玩,責任係佢哋,我哋係玩吓,佢哋做父母成熟咗,佢哋責任大咗」四太自爆開心到瞓唔着:「佢哋就緊張到瞓唔着,佢哋安排我陪入產房剪臍帶,以前生時,我全身麻醉,冇睇過,Mario(何猷君)覺得我可以重溫一吓,會更錫孫仔孫女,嘗試未做過嘅嘢。」四太未有透露新抱是半身麻醉、順產或是開刀生B,四太說:「呢樣留番Mario同你哋講。」她指新抱身體狀況很好,因為有過照顧超盈生女的經驗,所以都有準備了湯水給新抱。何家添男孫會派利是給員工嗎?四太說:「我冇諗到,大家一齊分享,將來遲啲嘅事,BB房仲整緊,都仲有少少嘢。」四太稱好後期先知新抱陀男孫:「好神秘,我後來知係男孫係開心,佢哋叫我去剪臍帶咪睇到。」四太爆料指不止流開心眼淚:「我震到貓王咁,多謝晒。」

相關新聞:【兩個BB一齊湊】超盈「荷包蛋」中文名叫辛千覓 老公改名有詩意



採訪:張明

-----------------------------



-----------------------------



攝影:仇志德  四太晚上探孫仔,心情大靚。 四太晚上探孫仔,心情大靚。
 四太與女兒超盈、新抱奚夢瑤講「媽媽經」。

四太與女兒超盈、新抱奚夢瑤講「媽媽經」。
 何猷君安排四太剪臍帶,她說震到貓王一樣。

何猷君安排四太剪臍帶,她說震到貓王一樣。
 四太有神秘禮物送給新抱。

四太有神秘禮物送給新抱。
奚夢瑤為何家添了首個男孫。(IG圖片)

奚夢瑤為何家添了首個男孫。(IG圖片)

鍾意就快D Share啦!