陳百祥7月曾到警總撐警，日前再與老婆黃杏秀帶同燒鵝及奶茶現身疑似警署慰警，更發表「偉論」撐警開真槍，指：「如果我做警務處處長就好喇，兩個月前已經開咗真槍，就好快解決。」惹來之前曾狠批他的阮民安再次扯火，爆粗鬧他：「阿叻，X你，人命嚟㗎！𠵱家棟篤笑咩。」
香港反送中運動延續至今，政府繼續漠視民間的五大訴求，警方多次濫打濫暴，引起市民不滿。陳百祥在7月10日已曾現身警察總部撐警，隨後再與肥媽（Maria Cordero）出席撐警活動表態。
昨日有陳百祥到警署撐警的片段在網上瘋傳，陳百祥被警員及職員圍着說：「最後嗰條防線就係你哋，成個香港𠵱家你哋睇住，我唔知香港其他部門點樣睇，我覺得只有警察係唯一最正義、最識道理，其他部門好似幫唔到你哋手咁。同埋我一早行出嚟撐你哋，但係我超咗齡，輔警都做唔到，如果唔係，就喺大家左右一齊做，1968年考差人，我諗我都大過晒呢度所有嘅人，因為我都奔緊『七』，今年69歲，仲係可以喺警察部成日同你哋啲同事踢波。因為我近旺角，我教出嚟嗰啲足球員係你哋啲教練，不過個個都退晒役。」
| | |
沾沾自喜
其間在場警員及職員不時拍掌附和，沾沾自喜的陳百祥續說：「覺得你哋好偉大，佢哋唔止搞你哋，仲搞埋屋企人，呢啲係完全……我喺香港出世，47年英殖時代，我都未見過，到回歸呢二十年，更加未見過，我係諗都諗唔到香港會係咁。當然係好多嘢出咗問題，教育、成個社會出咗問題，但係冇辦法，希望你哋繼續，我希望唔使繼續，但冇辦法，我覺得係近尾聲，大家再頂埋呢十日、八日左右，我諗！」
片段尾聲，陳百祥竟口出狂言鼓勵警察開真槍：「佢哋成日話解放軍，其實冇可能係解放軍，因為解放軍係對外敵，就算喺內地都係，軍隊係向外，所謂嘅公安，即係你哋呢班警察係對內，我哋香港內部嘅事情，一定係內部去解決，個問題係幾時解決，即係如果我做警務處處長就好喇，兩個月前已經開咗真槍，就好快解決，不過你哋仲係好忍得，俾人掟完汽油彈都唔開真槍！」
相關新聞：【撐警藝人】劉美君被踢出《全民造星II》
「人命嚟㗎」
之前曾狠批陳百祥的阮民安，昨日為此事再在fb鬧爆他：「阿叻，X你，人命嚟㗎！𠵱家棟篤笑咩，叻啦，返去後台補妝先啦，X頭！兩個月前，我X了陳百祥，兩個月前，我XX了陳百祥個仆街個仆街fd何君妖，上個禮拜，我XX了Fishmenlok，結論係，我好少公開XX人，亦都好少亂X人，我X得嘅，都真係一個仆街嚟，信我！」
不少網民也異口同聲直斥陳百祥，指他不單吹捧自己，更鼓勵警員開真槍：「如果陳百祥企我呢邊，我都覺得好X，但係popo好受落。」、「話冇部門幫到手，只有警察，阿叻呢句毒到呢，將全個政府同警察對立」、「佢做警務處長，可能兩日就輸晒啲錢冇糧出。」
撰文：寶妮
|
鍾意就快D Share啦！
|
|
|