唔知李嘉欣會唔會再拍戲？
自從結婚生B之後已經喺幕前消失咗一段時間嘅「大美人」李嘉欣，早前宣布出山，喺內地節目《演技派》中飾演「楊貴妃」一角，與吳鎮宇飾嘅「唐玄宗」合作騷演技。呢日節目終於播出街，其中一段唐玄宗帶楊貴妃逃難，將士們逼唐玄宗賜死楊貴妃嘅戲。今次嘅改編就變成楊貴妃知道唐玄宗唔忍心賜死自己，於是假裝喺跳舞時要刺殺唐玄宗，等佢有理由賜死自己，而唐玄宗明知楊貴妃係故意，但係佢將錯就錯。
故事情節夠晒虐心，佢哋嘅演技發揮得淋漓盡致，唔少網民都話睇完好有感觸。而呢段片段係全程用廣東話，喺內地節目有咁嘅情況都好少見，加埋配樂效果將90年代香港電影風格重現眼前。
雖然整體接近完美，不過網民喺討論嘅時候得出一個好大嘅敗筆，就係李嘉欣出名身形纖細，根據歷史記載，唐朝嘅美女標準以身形圓潤為首，楊貴妃喺當時係最有名嘅美人，推斷佢嘅體重都有番咁上下，同李嘉欣Fit爆嘅身形有啲格格不入，相反如果李嘉欣演出名瘦嘅美人「趙飛燕」會比較合適，有網民提議節目可以再搵李嘉欣演多一次。
來源 source: http://hk.on.cc
|
鍾意就快D Share啦！
|
|
|
