2019年11月18日星期一

【頭條獨家】放棄自己由索女變凸腩扒女杜如風爛撻撻超麻甩 __,杜如風,

【頭條獨家】放棄自己由索女變凸腩扒女杜如風爛撻撻超麻甩

杜如風挨住時裝店門口等車，個樣好唔耐煩，同埋佢會將飲緊嘅紙包飲品放喺地下，行為相當麻甩。

44歲「世界級港女」杜如風（Helen），主持旅遊節目出晒名癲、喪、狂，所以好受觀眾歡迎，因為濕疹問題要長期食類固醇搞到體重直線上升，包包面脹爆上鏡。當事人自知肥腫難分，可惜減肥失敗。日前下午，見到素顏Helen喺銅鑼灣等車，着住自家Tee加四個骨褲，好街坊嘅佢腰粗凸腩相當趕客，加上佢挨牆動作又不斷捽鼻，仲要將紙包飲品放喺地下，要飲先喺地下拎上嚟，行為極度麻甩。難怪Dry咗幾年嘅佢，一路呻冇拖拍，大家明點解採訪：梁志明

Helen主持日本旅遊節目出晒名，特色係鍾意講乜就講乜，夠晒真情流露，佢最鍾意晒自己瘋狂購物買名牌買到手軟，搞到買爆行李篋而回。但自戀自大作風唔係個個Buy，儘管你有你鬧，但佢有佢繼續吸金搵銀，除咗旅遊節目長做長有，佢做星級導遊帶團先最襟計，由8萬8千蚊到18萬不等，係咁多名人最昂貴嘅一個，但仍然有唔少捧場客。

等車唔聚財

16年Helen飽受喪父之痛，搞到濕疹發作，長期食類固醇令體重直線上升。曾自嘲「肥過部貨車」的她，曾試過飲雜菜湯、到美容院做機，以及用食療和中醫針灸等多管齊下減磅，可惜修身效果反覆，18年初曾經成功瘦過，但之後又反彈。日前素顏嘅Helen，着住自己17年創辦嘅時裝品牌FUNGOLIA Tee，再配Vans布鞋同Hermes袋，一身街坊look喺銅鑼灣百德新街等車，雖知道繁忙時段嘅百德新街人多車多，所以Helen喺街頭等咗十幾分鐘先上到車，等車期間佢唔多耐煩，揸住包檸檬茶放喺地下無耐又拎上手飲，來回幾次，跟住又Loop一陣電話又Send吓Msg。等車感覺好煎熬嘅Helen等到攰仲要挨喺人哋舖頭，摸吓下爬，又不斷捽眼捽鼻，從佢行為可見明顯周身唔聚財，十分鐘唔使已可見證Helen嘅麻甩行為，唔怪得連傳咗10年緋聞男友黃又南都話只當佢係兄弟！