無綫新聞連趙家賢「跌」咗隻耳仔都講得出，喺myTV SUPER整個「警察系列」出嚟，幫現時極具爭議嘅警隊「粉飾太平」，又有乜咁出奇？
《壹》仔日前發現，TVB旗下嘅myTV SUPER入面有個藍底logo相當顯眼，一望，竟然係「警察系列」。唔知佢幾時開始有，總之Click入一睇，大大張《機動部隊2019》poster。以為單純與警匪有關嘅劇集頻道？你就錯了！仔細望真啲，重點其實係「認識警隊」、「警署內望」、「招募資訊」之類嘅宣傳片段呀！
所謂嘅「認識警隊」，TVB簡介為：「與警隊同行，使香港繼續成為世界上其中一個最安全及穩定的社會。」咦，好似有啲與現實情況不符喎！而家香港市民唔係普遍都認為「邊到有警察，邊度就有暴力」咩？另外，當中有集提及「鐵路應變部隊」，「721唔見人」等情況自動浮現腦海。又有集講警犬，好似好有愛心咁照顧警犬，但近日見最多嘅情況係「警犬」硬食催淚煙，真諷刺。
仲有乜鬼「警署內望」，強調「帶大家走訪不同警署，揭開他們神秘的面紗。」肯肯定，大家所關心的──究竟外界流傳嘅「被補示威者喺警署內遭受暴力、性暴力對待」是否真有其事，必定不包含在上述所謂嘅「揭開神秘面紗」內。
至於「招募資訊」，無論以幾「輕鬆手法和生動的例子，與大家分享投考警察的小貼士」都好，相信真正嘅香港人都恥與為伍。
最後，真心覺得，大台愈想幫警隊宣傳正面形象，愈有做多錯多嘅豬隊友feel，而且無論對自己還是警隊而言，最終都是反效果得不償失。
【2019 區議會專題】
最齊全區議會入閘名單 互動民調
11.24 用選票重奪區議會
-----------------------------
【升級壹會員登記站 為你解疑難！】
沙田、旺角、荃灣、觀塘、銅鑼灣5區為你服務
詳情地址
來源 source: http://nextplus.nextmedia.com
|
鍾意就快D Share啦！
|
|
|
