已為人母的黃婉曼和張美妮，聖誕節也是家庭樂。黃婉曼和老公馮柏基及一對囡囡，昨日去完街就一齊返回餐廳巡視業務，黃婉曼在FB分享了一家四口的照片後，留言：「一直覺得上天賜予我最大的成就，就係有一個美滿的家庭和兩個女。今個聖誕，我發現上天還派給了我一些天使朋友。在我有困難的時候，唔係問我需唔需要幫忙，而係直接問我要點樣幫忙。」黃婉曼非常感恩，也願意把幸福與人分享，她今日接受《蘋果》訪問時說：「我今年聖誕嘅節目係同啲女去唔同商場睇吓聖誕燈飾，又同佢哋去咗啲慈善活動，帶佢哋探訪老人家，仲跳出香港去澳門派禮物畀智障小朋友，當然唔少得帶埋佢哋返工。」
黃婉曼好朋友張美妮是新手媽咪，囡囡「笑咪咪」黃洛雯剛好6個月大，他們昨日連同美妮妺妹一家四口到了主題公園耍樂，美妮表示囡囡入園後，看到卡通人物望到實，她今日在電話訪問中說：「我同老公以前拍拖都入過迪士尼玩，但冇乜嘢感覺，食完飯就走，今次係我哋第一次帶囡囡入去，亦係第一次晏晝玩到夜晚，嗰度夠晒氣氛，囡囡望到啲公仔好開心，老公抱佢睇花車巡遊，佢周圍望笑到卡卡聲好enjoy，我同老公見到囡囡開心，我哋都好開心。」
來源 source: http://hk.entertainment.appledaily.com
|
鍾意就快D Share啦！
|
|
|