明天是大年初一，三月是預產期的葉翠翠，趁着第三個兒子未出世，一家五口出動行年宵巿埸。
當日下午天朗氣清，她左手拖大仔，右手拉着細仔，老公周曉東殿後，加埋兩位工人，一行七人逛年宵巿場。近年成功轉型做kol，分享保健扮靚湊仔心得，週一至週五忙於在家工作。葉翠翠坦言難得有空閒，當日駕車經過維園，見人不多，於是決定一家人去行年宵。大仔Jake今年兩歲半，比一般同齡小朋友長得高大，細仔Triton一歲多，已經行得好穩陣。兩個小孩全程向前行，似乎不想停低，唯一引起他們興趣的，只有賣賀年糕點的檔口。其間，大仔Jake行得攰突然離隊，要爹哋又哄又錫。
翠翠指從沒想過此行會有任何收穫，事關家裡暫時不宜擺放鮮花，也不適合置大型盆栽。
「有朋友送花籃嚟屋企，兩個仔會摘晒啲花出嚟，啱啱過去聖誕節，我都冇買聖誕樹，因為佢哋會將裝飾掛波全部掹走晒，而家佢哋仲未識得摘桔，所以可以放一盆喺屋企。仲有，兩個仔不嬲都好黐我，嗰日佢哋拖着我一味向前行，我都冇乜機會停低睇嘢，買到盆桔，係因為檔主將好多桔擺咗好嚟，我哋唔使特登走入檔口。」翠翠笑說。不過，新年攞好意頭，迎春接福，大吉大利，一盆已經搞掂。
【壹週刊直播平台 ChannelNEXT】
立即睇
全城抗暴 區區論壇同你深度剖析
-----------------------------
【升級壹會員登記站 為你解疑難！】
親臨旺角、銅鑼灣做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|