網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月24日 星期五

李澄(西瓜):森美爆料!林珊珊大女西瓜同電台男友分手 __,李澄,林珊珊,森美,西瓜,

西瓜同電台男友傑傑拍咗好多年,估唔到未能開花結果…藝人林珊珊大女李澄(西瓜)同電台男友傑傑拍拖多年,不過今朝森美喺電台節目爆料,指兩人喺上年已經分手, ...




西瓜同電台男友傑傑拍咗好多年,估唔到未能開花結果…


藝人林珊珊大女李澄(西瓜)同電台男友傑傑拍拖多年,不過今朝森美喺電台節目爆料,指兩人喺上年已經分手,嚇得同場拍檔小儀及Marco都好震驚!


節目中請來堪輿學家講鼠年運程,師傅講到屬兔時,小儀就話得離開咗電台嘅西瓜係呢個生肖,言談間森美就大爆「分訊」,師傅仲話兩人上年唔結就會分!


兩人分手有迹可尋,以往不時喺社交網晒合照,但已經不復見。西瓜最近一次上載合照已經係2019年6月,9月時曾發文:「喜歡、相信,便堂堂正正的去追啊!有很難嗎?⋯⋯原來有的。別怪他,因為,誰都會這樣,包括你。面對真實的自己不是每個人都會的。」但兩人都未有刪走蜜照。


喺西瓜離開電台前,兩人喺森美嘅節目共事,可為日對夜對,唔少聽眾都知道佢哋拍拖,仲睇好佢哋結婚,而傑傑亦已經一早融入西瓜屋企,見晒家長,點知竟然情已逝……

來源 source: http://hk.on.cc
鍾意就快D Share啦!