掃呢頁CODE去手機

2020年1月5日 星期日

江美儀:已故愛犬投胎重回懷抱?江美儀帶狗狗聽佛經 __,江美儀,

江美儀自認係狗奴!寵物界「星媽」江美儀今早孖一對「仔女」,9歲的Teddy及4歲的Tina出席狗狗步行籌款活動。美儀指只要可以帶狗狗同行的活動,都會糖 ...




江美儀自認係狗奴!


寵物界「星媽」江美儀今早孖一對「仔女」,9歲的Teddy及4歲的Tina出席狗狗步行籌款活動。美儀指只要可以帶狗狗同行的活動,都會糖黐豆出動,例如整頭、食飯、遊船河等。


動物傳心師告知「秘密」


自認狗奴的她,更帶同愛犬參與法會聽經:「師傅覺得佢哋好乖,識坐定定,就准佢哋一齊聽,佢哋已經歸依咗,之後想教佢哋拜佛,學埋就冇得頂!希望佢哋來世搵個好人家。」記者笑言或狗狗來世再重回美儀懷抱時,她大爆Tina是已故愛犬冬冬的「化身」,兩者習性同出一轍:「Tina細個有張相同冬冬一模一樣,佢哋又係教極都周圍瀨屎瀨尿,又唔畀人見到佢哋去廁所。」續指此「秘密」是由做動物傳心師的好友告知:「當冬冬臨離開嗰陣,好朋友同我講冬冬想要張床、薄墊、做狗醫生條巾,同埋想食雪糕,呢啲係我哋兩個先知,所以我信佢冇呃我。」


為愛犬請家傭


美儀笑指哥哥Teddy有「警告」她不能再養其他狗狗:「話養埋Tina好啦,驚分薄我對佢嘅愛,但阿妹最近回流返香港,又帶多兩隻狗,搞到啲狗仲多過人,自己都冇考慮再養,因為好難清潔,有諗過當佢哋年長就請多位家傭照顧佢哋。」

來源 source: http://hk.on.cc
鍾意就快D Share啦!