《句號》：「可惜我們終於來到一個句號。」G.E.M.鄧紫棋多年來被指親中舐共，離開前經紀公司蜂鳥音樂之後，唔少人都以為佢「終於舐到一個句號」，唔舐喇。點知，大陸跨年騷又見到佢，仲著返皮褲添，難怪有網民懷疑佢「想行返回頭路」，呼籲咪再FF佢回歸香港市場。
G.E.M.最近新作品，特別係《WALK ON WATER》同《摩天動物園》兩首歌，好易令人聯想到社會、政治問題，不禁令人產生疑問：「佢係咪唔怕得罪大陸，兼想回歸香港市場？」而事實又的確係，《句號》曾經遲遲未能喺內地上架，疑被打壓。
所以，有部分香港樂迷對佢嘅偏見、態度軟化，甚至認為「佢以前受制於經理人公司逼不得已，而家回復自由身終於可以搵返良知」。點知，似乎都係自作多情，事關一到年底，幫完大陸網站bilibili唱跨年晚會，再為江蘇衛視跨年演唱會站台。
有港網民更發現，香港人喺痛心、悲傷、哀愁中完結2019，更喺催淚煙、暴力、濫捕下開始2020。不過，鄧紫棋IG卻留言話：「祝大家今年劃上完美句號，充滿愛地開始新一年。」直指呢位香港人簡直活喺平行時空離晒地，咪再因為佢幾首歌、幾句歌詞就過分解讀自行幻想，因為人仔絕對可以買斷良知，望望接受西方教育、喺英國殖民地公務員體制下成長嘅一班現任高官而家變成點，就係最佳例子。
不過不得不佩服，重感冒未好返嘅鄧紫棋依然有咁高質嘅現場演唱水準，香港年輕一輩歌手，應該無出其右了，可惜。
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|
