【13:15】東瀛遊今日連續第二日免費派發口罩，今日下午2時開始將派發4,000個口罩，每人可獲5個口罩，合共800個名額，仍以香港人優先。中午12時前，尖沙嘴漆咸道南45-51號其士大廈地下已有逾300名市民排隊。其中排隊一個多小時獲派口罩的陳婆婆非常開心，她坦言本來打定輸數，未料獲免費派發，感覺「真係好彩」。她怒斥政府無能，「（派口罩）係好顯淺嘅問題，畀我做政府都係咁做唔知啲高官做緊乜嘢。」對於林鄭，她脫口說：「我想佢快啲死呀！佢死咗就好㗎喇！唔好畀啲大陸人搶晒我哋啲資源，乜都搶。」
-----------------------------
在慢九拍政府毫無作為之下，港人一罩難求，全城瘋搶口罩，繼多間大型連鎖店連日開售口罩，化妝品連鎖店莎莎也加入同心抗疫行列，與卓悅及日本城一起向市民供應口罩，三間連鎖店今共提供近40萬個口罩。
化妝品連鎖店莎莎表示，30間分店今早會發售韓國HUSTORM KF94(5片裝)口罩，一包5片賣29元，因數量有限，每人限購2包，先到先取籌，預計每間分店貨量約300包、派籌約150個，今日合共提供口罩約45,000個。
在莎莎買到口罩的林先生展露歡顏，指出一家一家3口只剩下50多個口罩，對於內對疫情搞到港人要為口罩日撲夜撲，他認為一定要怪罪中共，「天滅共產黨，佢冇可能搞得掂，只係想搞死香港人，所有資料都係假，唔止一萬人感染，乘十都唔止呀」。林先生又對香港全面封關不存寄望，「777只係接收指令的一個物體，所以佢唔會封，因為共產黨唔畀」。
邱女士在莎莎分店排隊只花半小時便買到口罩，她指口罩短缺，曾見過有商舖賣289元一盒口罩，又指自己家中剩下一盒存貨，「要慳住使，少啲出街」。對於政府表示會為市民搜購口罩，穩定供應，邱女士表示不予寄望。
卓悅將於中午12時在4間分店，發售空運到港的日本ZODIAC三層口罩，一盒50個，每盒65元，每人限買1盒，先到先得，先排隊再攞籌。合共提供口罩約178,000個。
其中卓悅旺角彌敦道分店，上午11時左右已經有約2千人排隊，人龍圍繞旺角中心兜圈「打蛇餅」，甚為混亂。有主婦帶住兩名年幼子女到來排隊，但根本無法確定隊伍。這裏預計有980個籌，瞬間派籌完畢。
從事金融業的陳小姐坦言對政府安排非常失望，「我哋交咗稅，基本民生、保護自己嘅都做唔到，做父母係好無奈，好難接受政府咁樣安排，所有嘢比其他國家係滯後咗好多。FEEL（感覺）唔到政府嘅心係擺喺市民度。」陳小姐認為當務之急是封關，「我哋係應付唔到㗎，冇咁大個頭唔好戴咁大頂帽。我哋醫療係應付唔到無止境嘅人」。最後她告誡說：「世界係有報應，害人終害己，唔好以為高高在上會冇事。」
在銅鑼灣渣甸坊分店，同樣有逾千人排隊。人龍由渣甸坊左轉恩平道、邊寧頓街，再左轉返回渣甸街、渣甸坊卓越門口。75歲的楊婆婆早上7時半到。她說反話道：「多謝呀林鄭月娥呀！守關能力一流。多謝佢畀咗咁好的新年禮物我哋。」她指近日四圍撲口罩，「貴嘅無錢買、平嘅買唔到。（排隊咁耐）唔值得，都要用吖，真係唔出街呀？食西北風呀？發癲㗎佢都！」氣憤難平。
日本城今早亦宣佈，新一批3M Nexcare口罩26個裝亦空運抵港，總數有6,500盒，貨到即時於11間分店發售，每間約有590盒，先排隊取籌，一人一籌，每籌限買一盒。合共提供口罩約169,000個。
另外，一田百貨也在fb發帖表示有口罩售賣，其中大埔一田，今早11時開門，門外已有約50人排隊，有職員派籌。不過，成人口罩瞬間售罄，餘下的小童口罩亦於11時前派完籌。據了解，5個一包的小童口罩賣90元，寫上香港製，每人限購兩包。
大埔街坊蔡小姐本來想買成人口罩，但斷貨只好買小童呎碼，「寫住3至9歲適用，面形小的，應該還可以吧！」
-----------------------------
【匿名港警爆大鑊】
韓國KBS時事節目《時事直擊：香港 被自殺》
立即按此
-----------------------------
你敢爆，我敢獎！ 立即致電：63836568
來源 source: http://hk.entertainment.appledaily.com
|
鍾意就快D Share啦！
|
|
|