李施嬅大讚梅小青好堅強！
金牌監製梅小青奉子之命退休，而即將播出的無綫劇集《法證先鋒IV》亦是她的告別之作，小青姐坦言之前都經歷大病，而兒子都希望他休息享福。而此劇女主角李施嬅坦言小青姐之前拍《宮心計2心宮計》時已身體不太好，據她所知拍《法證》時佢都曾經入過醫院，但沒有說給她們知，她謂：「其實都好感動，佢冇畀我哋知，因為佢要領導我哋成班，所以佢好堅強，所以我哋就算辛苦都唔會嗌辛苦，佢先係最辛苦嗰個。」
施嬅與小青姐合作不少劇集，包括《法證先鋒II》、《公主駕到》、《宮心計》等等，她謂：「我同佢合作不嬲都好好，佢開《宮心計》時都有搵我，但當時我拍緊《天命》撞期拍唔到，我都有唔開心，因為佢返嚟我都想同佢再合作，之後到佢開《法證IV》再搵我，我真係好開心，因為喺TVB最後一套劇我可以同佢再合作，到依家我知佢唔再拍喇！其實好遺憾嘅，佢係一個好好嘅監製，作品亦好好，係我哋娛樂圈嘅一個損失，但亦好感恩佢最後一部劇，我離開TVB最後的一部劇大家可以合作。」
來源 source: http://hk.on.cc
|
鍾意就快D Share啦！
|
|
|
