掃呢頁CODE去手機

2020年2月21日 星期五

鄧月平抄經養性 王卓淇攬「仔」典床 #王卓淇 #鄧月平

鄧月平抄經之餘還會睇書,希望做人更圓滑。
鄧月平抄經養性王卓淇攬「仔」典床新冠肺炎肆虐,連累一班女神都冇啖好食,街又唔敢去,惟有變宅女諗計解悶!擁有FCup的鄧月平抄《金剛經》靜心,又忙為香閨 ...




鄧月平抄經養性 王卓淇攬「仔」典床

新冠肺炎肆虐,連累一班女神都冇啖好食,街又唔敢去,惟有變宅女諗計解悶!擁有F Cup的鄧月平抄《金剛經》靜心,又忙為香閨拖地消毒,相反43吋長腿的王卓淇就戀上床,笑言很久沒穿過鞋;至於邱晴無聊到玩拆利是,湯洛雯則靠貓狗相伴煲劇度日。

選美出身的鄧月平(Larine),早前為角色犧牲36F勁爆身材,一日食七餐暴脹40磅,幸好速減成功回復苗條,繼續為事業衝刺,卻遇到新冠肺炎當道,只好盡量留在家中。趁這段空檔,Larine不停抄經增加悟性同福氣,她受訪時說:「我留喺屋企會抄經,希望呢一年抄到《地藏王經》、《金剛經》,呢個對我嚟講係一個挑戰。我仲有睇緊本書叫《格局》,係分析大家遇到啲乜嘢事,就應該用乜嘢心態去面對,教做人道理。我覺得自己做人唔夠圓滑,有啲事可以處理得好啲。」還每日落手落腳為屋企拖地清潔,跟足防疫指引早睡早起。

邱晴拆利是數錯錢

有人勤用功,反觀前港姐亞軍王卓淇竟戀上自己張床!雖然有一雙索腿但無用武之地,她笑言已忘記何時着過鞋:「見我張張相都係床……就知我有幾愛……好彩啱啱拍完劇集《逆天奇案》,現時暫時未有新工作。」不過,她強調不覺寂寞,多得愛貓「豬寶仔」錫錫:「我都攬住隻貓煲劇多,最近追緊台灣劇集《想見你》,男主角好靚仔。」

努力拖地,保持家居清潔。
  • 努力拖地,保持家居清潔。
王卓淇有街去不得,最愛攬住愛貓煲劇睇靚仔!

  • 王卓淇有街去不得,最愛攬住愛貓煲劇睇靚仔!
日日黐住鋪床,自爆好多日冇着過鞋!

  • 日日黐住鋪床,自爆好多日冇着過鞋!

另一港姐出身、早前台慶抽中10萬元現金獎的20歲邱晴,繼續「數錢」維生,在家跟Fans透過直播玩拆利是,頭幾封拆到500元「大牛」及1,000元「金牛」時相當興奮,但開到10元「花蟹」登時冇晒表情!其後,她計錯數被網友即時指正,最後埋數有7,000元利是錢落袋。她自言今年冇得拜年,利是錢已算大豐收:「去得最多嘅地方就係超級市場,主要係買餸同日用品。」而擁有35D上圍的《3日2夜》主持胡美貽同樣由年初四開始便沒有出過門口,為令心靈不再空虛,竟度出一條妙計,她說:「我悶嘅時候,會同朋友視像傾偈,一人攞住一杯茶,當係出咗去High Tea咁。」

邱晴直播數「牛牛」

  • 邱晴直播數「牛牛」
鄺潔楹苦練廚藝

  • 鄺潔楹苦練廚藝

湯洛雯加入做「玄太」

最近有份演出熱播劇《法證先鋒IV》人氣急升的湯洛雯,選擇留在家做定功課、刨劇本,整裝待發再拍新劇,當然少不得煲劇偷師,包括朋友推介的韓劇《愛的迫降》,加入「玄太」行列與孫藝珍爭仔,其餘時間則服侍家中四隻貓狗。而女神鄺潔楹除了拍攝《愛.回家之開心速遞》外,多數留在家炮製自家食譜:「多咗同家人相處,佢哋都多咗機會試我手勢,法式西多都整咗幾次,整到第三次覺得最好食。」




鍾意就快D Share啦!