- 【打劫廁紙已夠荒誕】明星撐警宴眼冤 甄詠蓓嘆世界醜陋：想嘔
- 22分鐘前
自港人抗暴到抗疫，由濫捕濫暴、警察執行職務唔使出示委任證、「官狀廢炎」、一罩難求、「急性盲搶炎」，保護裝備亂分庄，令前線醫護最缺，港人面對嘅境況，沒有最荒謬，只有更荒謬。尋日有香港開埠而嚟首宗打劫廁紙，下午流出藍藝人與警員齊歡唱聯誼嘅畫面，警務處處長鄧炳強發表學成龍、方中信當警察偉論後，香港處於咩環境，相信唔使多講。
舞台界的甄詠蓓(詹瑞文前妻)睇見眼冤，佢話:「世界荒旦(誕)得人窒息，今早清晨打劫廁紙已經係奇聞，下午見到明星隊同警務處處長攬頭頸一齊唱朋友，呢個係乜嘢世界？醜陋到真係唔識反應……想嘔。」明嘅，反胃嘅又何止甄詠蓓。
曾是大台主播之花，現為劇團行政總監，早前同朋友夾手夾腳縫製一批布口罩送給長者的魏綺珊，同樣有感而發，在社交網發文:「打劫廁紙？香港的劇本荒誕到編劇都唔識寫！叫前線醫護去打仗，但係就搞到要配給保護裝備，警察唔駛在前線對病人，但裝備比醫護好。睇新聞見到消防員出勤一個口罩都無，警察個個就口罩蒙面。過去半年，幾時聽過有唔夠催淚彈？唔夠頭盔？唔夠警棍？唔夠盾牌？一個政府，打市民嘅裝備源源不絕，救人民，就話知你！到底，香港仲可以有幾荒誕？」呢個呼喊，香港人共鳴！
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|
