- 指陸浩明有錯且責無旁貸 麥明詩：望事件過後大家關注真係黑心嘅人
- 20分鐘前
陸浩明(6號)在TVB節目《#後生仔傾吓偈》中，竟錯誤地說出「香港是SARS病毒源頭」，以致被大肆圍罵。眼見事情發酵鬧得沸沸揚揚，6號不僅在社交網站出Post道歉，更在鏡頭前聲淚俱下認錯。可惜，網民反應兩極，有不少仍表示不可原諒，更說出「抵制陸浩明及其代言品牌」、「讓6號變句號」等說話。
見6號被圍攻得可憐，今日，與他合作過的人都出post為他發聲表示支持，例如逐步淡出娛圈、已國際顧問公司擔任顧問的麥明詩。
麥明詩在IG為6號發表「千字文」，並據《#後生仔傾吓偈》的內容嘗試證明6號「香港是SARS病毒源頭」之說只是無心之失的口誤，但強調6號雖是口誤卻也是責無旁貸。麥明詩又引用過往情況，嘗試說明6號其實並不舐共，如他試過在節目說「唔好搞我後面」、專注香港市場及廣東話節目。麥明詩最後直言6號的確有錯，但「希望大家可以把槍口對翻(返)准啱嘅位置」，喺「關注咗呢件事之後，可以將關注放喺啲真係黑心、不道德、埋沒良知嘅人上面。」
有網民看過麥明詩的Post之後，留言讚她「是個好人」、「講得好好」，甚至說「ok畀面你」。不過，仍有人覺得6號的錯不是哭著道歉就可了事，「錯到咁起碼要換走主持先啦」，畢竟他在香港人的集體傷口上灑鹽。
無論最終結果如何，肯定的是這件事必定跟6號一世，甩不掉，三不五時就會被「翻閹」。
Ben sir話齋，唔講嘢冇人話我啞；我亦都知道我講嘢對我冇任何好處，但或許我現在比較少顧慮，正所謂「官到無求膽自大」#曲，所以忍唔住講多句：真係希望大家可以把槍口對翻准啱嘅位置。
一月尾嘅時候，梁卓偉因為一句「戴口罩講唔到嘢」論多日備受關注，好多人卻忽略了佢之後出黎宣佈，以模型分析預估已有4.4萬人感染。其實佢冇必要出來講一個同正式公佈確診數目差咁遠嘅數字（嗰時正式公布確診不夠1萬），佢之前嘅口罩論的確係誤導到大眾，但佢隨即道歉，且繼續出黎分享一啲或許並非緊貼官方口吻嘅報告，我覺得起碼算係(比較)有承擔，係咪要chur住佢唔放呢。
陸浩係我合作咗幾年嘅前輩，說實話佢一直照顧後輩，有幾次我同fyy出大show出錯佢都幫我地補獲carry我地；當然，講到良知嘅時候唔可以被私人感情左右；佢呢一次佢固然係大錯特錯，但佢緊接講錯嗰句之後，佢係話「係因為有個廣州人喺內地食…」然後yy話「係佛山」；資料都未必係啱，但係可見應該係一個口誤，佢當時應該係知道由內地傳落黎。
當然，呢個口誤好嚴重、佢責無旁貸；而陸浩亦即刻出黎道歉。大家可能對於佢同某些其他前輩嘅關係而有所意見，比較圓滑係佢做人處事嘅方式，但係佢點都係一個試過喺《後生仔》大嗌「唔好搞我後面」、一直專注香港市場、專注做廣東話節目嘅主持。
佢係錯，而我之前未睇清楚段片就評論咗都係錯，剪接組冇修正係錯，字幕組照配字幕係錯... 但希望大家關注咗呢件事之後，可以將關注放喺啲真係黑心、不道德、埋沒良知嘅人上面。謝謝
#香港不是沙士源頭
PS 會向監製表達，應該係節目上面澄清番
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|
