開食肆撞正疫症經營困難 良心老闆可嵐誓保員工飯碗
新冠肺炎疫情來勢洶洶，飲食業生意大受影響，其中歌手可嵐認真黑仔，去年12月中在土瓜灣開張的糖水鋪分店，原本已遇上冰河時期，加埋碰上疫情，真係生意難做！
日前她接受香港開電視《娛樂頭條E-news Headline》主播馬梓軒訪問，表示正努力於疫境求生：「對我嚟講喺呢個疫情下經營，打和已經當贏！最緊要確保員工有份工，有收入！現時我將員工嘅工時縮短咗，同時將餸菜改以真空包裝出售，咁會比較衛生！」
身為食店老闆，可嵐透露近期不斷四出搜羅消毒用品：「我自己買咗啲消毒搓手液放喺舖頭，都幾難買！我原本有200枝貨，點知疫情出現，得番20枝畀我！」市面除了消毒用品短缺，可嵐對一罩難求亦感無奈：「原本我以為屋企得一盒口罩，點知工人執執吓嘢發現多一盒，感覺開心過執到金！我成日覺得口罩就好似條命咁，有命先出得街！」
來源 source: http://hd.stheadline.com
|
鍾意就快D Share啦！
|
|
|
