倪晨曦硬漢子風格女神崩壞
「宅男女神」倪晨曦與鄺芷凡近期忙於拍攝香港開電視節目，倪晨曦直言與芷凡齊走「女漢子」風格，自拆女神招牌！
藝人倪晨曦與鄺芷凡為香港開電視主持的節目《五星級絲打》走勻全港介紹吃喝玩樂、美容、化妝、運動的好去處。問到可擔心外界拿來與無綫節目《姊妹淘》比較？倪晨曦笑說：「大家唔同風格，我哋係女漢子風格，我哋表面斯文，但性格其實好爽朗、好直。同埋市面都應該多啲呢類節目，畀觀眾多啲選擇。」
未有造人計劃
倪晨曦不擔心硬朗風格會破壞她的「女神」形象，笑說：「一向都冇乜女神形象，大家睇相可能會畀相呃咗，但係有睇片都知我唔係好斯文嘅女仔，哈哈。」
忙於籌備婚禮的倪晨曦，被問婚後可會減產？她說：「工作照舊，我係工作狂嚟，未婚夫知我性格，好支持我，唔會投訴。」又指生BB隨緣，暫時未有造人計劃。
鄺芷凡專職測試
鄺芷凡在節目中成為測試專員，除了要試食，更有浸溫泉、歎spa的鏡頭，相當大犧牲，她笑說：「我抱住大無畏精神去為大家測試，佢哋唔係蝦我，佢哋high tea都有帶埋我去(0架)。」兩人又希望節目可以衝出香港，異口同聲希望到日本拍外景，認真姊妹齊心。
來源 source: http://orientaldaily.on.cc
|
鍾意就快D Share啦！
|
|
|
