掃呢頁CODE去手機

2020年2月23日 星期日

鄧佩儀騰晒雞 唔見手錶四圍搵! #鄧佩儀

拍攝時化身文青女神踩單車,狀甚寫意。
鄧佩儀騰晒雞唔見手錶四圍搵!藝人鄧佩儀連趕兩套戲,搞到「靈魂出竅」,昨午在片場遺失手錶,遍尋不獲的她心情極度低落,幸獲台前幕後體諒及出手相助。拍攝時化 ...




鄧佩儀騰晒雞 唔見手錶四圍搵!

藝人鄧佩儀連趕兩套戲,搞到「靈魂出竅」,昨午在片場遺失手錶,遍尋不獲的她心情極度低落,幸獲台前幕後體諒及出手相助。

鄧佩儀(Gloria)與羅仲謙等昨午現身土瓜灣,為無綫新劇《陀槍師姐2020》(暫名)開工。將為人父的謙謙顯身手拍攝打戲,Gloria則化身文青女神,輕鬆踩單車,吸引不少途人駐足睇熱鬧。

昨午天氣回暖,陽光普照,踩單車的Gloria看似十分享受,鏡頭前形象飄逸,媲美廣告效果,鏡頭背後卻心驚膽顫!事關完成戲份後,她發覺自己遺失了劇中佩戴的手錶,在服裝車遍尋不獲,記者要求做訪問時,亦心不在焉地表示:「可唔可以等我再搵吓先?」

未埋位時與謙謙對戲,當時手上仍戴着手錶。
  • 未埋位時與謙謙對戲,當時手上仍戴着手錶。
羅仲謙拎起摺櫈,一臉兇狠!

  • 羅仲謙拎起摺櫈,一臉兇狠!
疫情未退,演員卻要瞓街扭打,有一定風險。

  • 疫情未退,演員卻要瞓街扭打,有一定風險。

怕影響連戲

Gloria與工作人員花了不少時間尋找失物,可惜最終依然無功而回,惟有離開車廂受訪,她說:「我同時開緊兩部劇,呢四日瞓得好少,依家好似靈魂出竅咁,可能喺啲衫度,見唔到。」雖然道具手錶不算貴重,但因為要連戲,所以台前幕後才如此緊張。對於缺乏休息,她指刻下生活幸福兼充實,又自言為《陀》劇的角色下了不少苦功,今次能與兩大型男羅仲謙及洪永城合作大感新鮮,會好好把握機會!由於趕時間,Gloria最終由工作人員接載離開,「尋寶任務」只好交由工作人員代勞。

埋身打鬥超兇狠

至於謙謙與一眾藝訓班新人投入拍攝打戲,疫情未退,眾人卻要在垃圾堆打鬥,更打到瞓街,危機處處!謙謙笑說:「拍呢啲街頭打交戲唔算辛苦,記得以前拍電影,度嗰啲古裝招式先難,又要記,又要吊威吔!」講到鏡頭前的他氣場懾人,謙謙笑說:「唔打得都要睇得嘛!對手都有付出,唔可以吓吓NG累人。」提到拍檔Gloria遺失手錶,謙謙說:「有時攰得滯好易發生呢啲情形,佢算好有交帶喇,點都要留低幫手搵。我覺得一定搵得番嘅,有時啲嘢你唔搵佢,佢就出現喇!」

《陀》劇最快約6月才煞科,太太楊怡的預產期則為5月,謙謙坦言:「男性侍產假得3日咋,已經同劇組講咗聲,希望搞得掂(會唔會入產房?)依家疫情咁嚴重,好似唔得,不過如果到時雨過天青嘅話,我就有足夠心理準備,一定會陪佢入去,經歷呢個難忘時刻!」




鍾意就快D Share啦!