最強情敵現身？
藝人馬國明上年甩開黃心穎回復單身，好多人都希望佢快啲搵番個女朋友，上星期佢生日時，就傳黃翠如做紅娘，借生日之名拉埋唐詩詠一齊慶祝，講到好似已經開始咗關係咁！不過事情嘅發展永遠都唔會咁簡單，呢日喺社交網見到有個人挨住馬國明坐喺石灘邊好似睇緊日出咁，佢哋神態自若仲微微露出冧笑，成張相構圖充滿浪漫氛圍，一望張相嘅感覺就係佢哋拍緊拖！
不過睇真啲，另一半竟然係已婚仲要係男人嘅黎諾懿，佢留言話：「如果我係女人，我一定會揀你，你實在太完美啦😘！」呢個Po一出嚇親唔少人，好似陳敏之即時留言問：「咩料呀！」而楊潮凱就好直接留言話：「基情四射！」好多網民都留言大讚佢哋好襯，不過就有人好奇問如果唐詩詠睇到唔知會唔會嬲豬呢？
來源 source: http://hk.on.cc
|
鍾意就快D Share啦！
|
|
|
