【平安返抵蘇格蘭】被喬嫂嫂隔離 喬寶寶獨霸大床「食自己」
因為航空公司及航班問題，喬寶寶昨晚提前起程返蘇格蘭和家人團聚，現已安全抵步並在家中報平安，獨個兒瞓喺主人房大床的寶寶說：「平時隔離有喬嫂嫂，佢同我講話：『呢張床係你喇，呢14日你食自己』哼！我同佢結咗婚30年，佢第一次同我講呢啲咁嘅嘢，冇辦法啦，大家都知道疫情比較嚴峻，老婆去咗同細仔瞓。」今次寶寶帶備大量抗疫物資返蘇格蘭，曾幫手做過義工的印度咖哩店老闆及郭秀雲齊齊送他口罩來防疫，部份用來轉送畀親人及鄰居。
提到蘭格蘭情況，他形容麻麻地，但都好過英國，敦倫未經歷過沙士，意識較薄弱唔興戴口罩，而且蘇格蘭地方大，酒吧又關咗，人與人之間感染比較少。
離港當天，「家姐」黑妹姐跟他食完farewell飯送他去機場，寶寶在社交網發文說：「家姐好有心，知我今晚要飛去英國，雖然呢排佢都冇嘢做，但都有嚟送機，畀封大利是我，佢話唔好咁多人，我哋兩個OK喇，多謝家姐。」黑妹姐回應說：「我都唔知講咩，13年喇，終於要離開我，不過佢好快會番嚟，希望疫情快啲過，最緊要返去一家團聚，大家都開心，小朋友身體健康，快啲抱孫，疫情過去，家姐嚟英國探你。」喬寶寶聽完後，搞鬼說：「你知𠵱家要隔離14日，我驚未抱孫，就做多次老竇，哈哈！喬嫂嫂係得嘅！大家加油呀！」
來源 source: http://hd.stheadline.com
|
鍾意就快D Share啦！
|
|
|