網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月26日 星期四

何雁詩:發燒兼喉嚨痛!何雁詩做新冠病毒測試等結果 #何雁詩

兩日先有結果.....歌手何雁詩(Stephanie)昨日完成出席新城電台訪問後,晚上在家中開始發燒及喉嚨痛,正是感染新冠肺炎病徵,為安全起見,未婚夫 ...




兩日先有結果.....


歌手何雁詩(Stephanie)昨日完成出席新城電台訪問後,晚上在家中開始發燒及喉嚨痛,正是感染新冠肺炎病徵,為安全起見,未婚夫鄭俊弘(Fred)即載她到醫院求診,她量體溫後有38.4度,醫生指她屬輕微發燒,因她沒有接觸過緊密接觸者,所以只是低風險者。


Stephanie今早亦進行了快速測試,但醫生指報告最快2個工作天才有:「其實尋晚返到屋企已經退燒,今日亦冇再燒,但仲有啲喉嚨痛。」問到工作是否取消?她稱:「本身今日冇工作,但聽日嘅電台訪問,依家都決定取消咗先,稍後嘅工作再睇個報告再決定。」至於因她和未婚夫鄭俊弘同住一起,雖屬低風險者,但她現都自我隔離:「我嘅活動範圍就留喺睡房,Fred就喺廳,等報告出咗安排。」


問到可擔心確診?Stephanie坦言:「我依家唔係擔心自己,反而係擔心若果真係確診會傳染到畀其他人,因為我嘅工作關係,除咗唱歌同影相時冇戴口罩,其他時間都有戴口罩,但我唔知依家嘅病毒係點散播,因資料唔多,所以係擔心影響到人哋。」


Fred受訪時表示:「我OK嘅冇乜事,阿詩就喺房隔離,咁佢有乜需要咪攞畀佢囉,有乜嘢就同我講,我又唔太擔心,佢依家只係喉嚨痛,係尋晚有一下係發咗少少燒,依家已冇乜事。」

來源 source: http://hk.on.cc
鍾意就快D Share啦!