2020年4月2日星期四

【滯留意國】閉關1個月靠網購買嘢　黃泆潼感激港友送口罩 #黃泆潼

【滯留意國】閉關1個月靠網購買嘢　黃泆潼感激港友送口罩

黃泆潼於今年2月隨夫回意大利，未料當地爆發新冠肺炎疫情！

意大利的新冠肺炎確診個案已破11萬，當地政府宣佈延長全國禁足令至最少4月12日。4年前下嫁意大利籍獨立電子音樂人Kavemura的黃泆潼，早於今年2月初回意大利科拉托生活，昨日她於社交網上載短片向大家報平安，並謂自2月尾開始，已超過1個月沒有出街，暫時糧食也足夠，目前都開始網購食物、物資，黃泆潼續說：「呢度控制得幾好，據我所知冇乜搶購，因為有限制，就算online shopping或小店都有限制。噚日終於買到一條廁紙喇，online shop就冇，終於喺附近有間小店搵到，又肯deliver過嚟，但只肯賣一條，啲米只可以買三盒，一盒兩、三日就食晒。」

黃泆潼又將鏡頭影向家中雪櫃，指因雪櫃太細而未能雪藏大量急凍食物，但相信當地限制購物，物資亦能持續供應。至於口罩方面，她表示2月1日抵達意大利時，已自我隔離14日，「出關」首日隨即外出撲口罩，「我喺香港過嚟嗰時已經買唔到，過到嚟藥局又係冇，可能呢度真係唔太興（戴口罩），但好好，香港嘅朋友寄咗好多畀我，多謝香港好好嘅朋友，知道我唔夠就即刻寄畀我，心都甜埋，雪中送炭，暫時口罩都夠，仲寄埋護目鏡畀我哋。」不過，她表示仍未知道何時回港，而目前洗嘢、煮飯、煲劇的生活也很忙碌。