阿Sa執屋搵到啲「出土文物」。
藝人蔡卓妍（阿Sa）早前喺馬來西亞返港，現時正接受14日家居隔離，喺屋企悶到冇嘢做，髮型師又做唔到嘅佢，今日喺社交網透露執屋，喺屋企搵到佢小學五年班同同學仔嘅合照！事隔咁多年，阿Sa好似食咗防腐劑一樣，唔少網友指佢由細靚到大，非常有仙氣。
佢留言：「喺屋企最好嘅活動就係執嘢！我老竇呢幾日搵到啲『出土文物』，就係小學五年班嘅我同啲同學仔嘅相！仍然有聯絡嘅只係得兩個。 （如果你發現自己係呢張相裏面請pm我）#第三張我條頭巾乜事#仲要襯呢對耳環。」
歌手梁詠琪一頭清爽短髮令人印象深刻，但估唔到佢讀書期間留有一頭長髮，佢呢日喺社交網上載昔日合照，同樣都好似冇乜變過：「朋友整理了一些90年代的舊照片給我，太珍貴！十幾歲時鍾意留長頭髮，不過不喜歡花時間整理，甚麼燙髮染髮，甚至連剪髮都懶得去弄，總之就是個非常天然青春的少女…所以18歲初嘗短髮的一剪後，自然地這個長髮Look從此成為絕響。」雖然唔少網友大讚靚女，但囡囡Sofia睇到媽咪舊照，竟然話：「連Sofia見到這些照片都拋下了最理性中肯的一句：“Well....it’s not your style！」
來源 source: http://hk.on.cc
|
鍾意就快D Share啦！
|
|
|
