2020年4月2日 星期四

【頭條獨家】搵緋聞女友做微電影主角 麥秋成讚蔣家旻夠專業 #蔣家旻 #麥秋成

【頭條獨家】搵緋聞女友做微電影主角麥秋成讚蔣家旻夠專業麥秋成繼去年宣布簽約TVB,最近再有新搞作,自編自導自演愛情微電影《戀戀季節—冬至篇》,仲邀請了 ...




搵緋聞女友做微電影主角麥秋成讚蔣家旻夠專業麥秋成繼去年宣布簽約TVB,最近再有新搞作,自編自導自演愛情微電影《戀戀季節—冬至篇》,仲邀請了 ...




【頭條獨家】搵緋聞女友做微電影主角 麥秋成讚蔣家旻夠專業



麥秋成繼去年宣布簽約TVB,最近再有新搞作,自編自導自演愛情微電影《戀戀季節—冬至篇》,仲邀請了緋聞女友蔣家旻和好友羅天宇組成三角關係。秋成謂一直對導演工作有興趣,想儲多點經驗,未來目標是拍套代表香港的歌舞電影。講到跟蔣家旻合作,他坦言不怕緋聞愈傳愈盛,更大讚她跟羅天宇夠專業,兩人任他舞。撰文:杜淑霞 攝影:李維隆 髮型:Jay Cheung @ Hair 服裝:Amelie Street 場地:Wahaha Partyroom



秋成坦承想向導演之路進發,因現在工作都未能滿足到他,「我好貪心,但係喺創作上,我全部嘢都係圍繞跳舞,我腦入面有3、4個故仔,𠵱家寫緊啲電影劇本,有一套搵緊人投資,但一定全部關於跳舞,呢個根唔會甩嘅,我想試多啲嘢,希望將來做到一套代表香港嘅歌舞電影。」



望搵到投資者

之前秋成都導演過其他作品,但都以跳舞為主,今次較多文戲,反而難倒他,「所以要練,今次係多咗好多經驗,好彩佢哋(另外兩位主角)畀我舞囉!佢哋真係好好冇乜怨言,可能我聽唔到,佢哋兩個都辛苦㗎!我哋得幾日時間,但要拍好多嘢,佢哋去到真係冇得瞓,我Chur晒佢哋嚟用。」問到搵緋聞女友蔣家旻做女主角,秋成就澄清他們只是同事和朋友,不過他不禁大讚女方工作態度,「TVB出嚟嘅藝人好獨立,髮型化妝自己搞掂,又冇乜怨言,架子又唔會擺到咁高,畀着好多藝人咁辛苦實黑面」其實今次微電影秋成只完成了三分一,故事還有兩輯,「點解叫《戀戀季節—冬至篇》,其實係仲有春夏同秋季,要睇吓之後有冇資金拍,今次用咗我6位數,所以我就冇希望今輯吸引到人投資」


鍾意就快D Share啦!