掃呢頁CODE去手機

2020年4月2日 星期四

【巴喇般般】新歌「假MV」曝光 ERROR惡搞F4放笑彈 #ERROR

ERROR於愚人節推出新歌《我們很帥》。
【巴喇般般】新歌「假MV」曝光 ERROR惡搞F4放笑彈ERROR於愚人節推出新歌《我們很帥》。由ViuTV選秀節目《全民造星》出身的4人組合ERRO ...




【巴喇般般】新歌「假MV」曝光 ERROR惡搞F4放笑彈

ERROR於愚人節推出新歌《我們很帥》。

由ViuTV選秀節目《全民造星》出身的4人組合ERROR,一直以「騎呢cam爆男子組合」為定位,繼改編同門MIRROR的歌曲《一秒間》,推出惡搞版《404》後,昨日趁4月1日愚人節,4子又推出新歌《我們很帥》,各成員更於社交網貼出宣傳照,而最爆笑是ERROR今次竟化身「流星雨」時期的F4!

宣傳照中,ERROR成員惡搞「流星雨」時期的F4。
宣傳照中,ERROR成員惡搞「流星雨」時期的F4。
正版F4

正版F4

相中,阿Dee(何啟華)、肥仔(梁業)、保錡(吳保錡)和193(郭嘉駿)齊齊戴上假髮,分別扮成吳建豪(Vanness)、言承旭(暴龍)、朱孝天和周渝民(仔仔),當中肥仔更學暴龍穿雞翼袖晒「壯」臂,而193則忽然「縮水」,與其餘3位成員一樣高!肥仔留言:「封面係想搵番偶像應有包袱。」阿Dee就表示:「新一年ERROR目標清晰,進軍台灣市場。」

ERROR仲發佈了一個「官方正式假MV」。

ERROR仲發佈了一個「官方正式假MV」。
MV製作好粗糙,Solo部分竟將其餘成員塊面打格,超爆笑!

MV製作好粗糙,Solo部分竟將其餘成員塊面打格,超爆笑!

以為咁就惡搞完?少年你太年輕了!原來ERROR仲發佈了一個「官方正式假MV」。MV中,開頭都好哋哋Slideshow吓啲4人合照,殊不知一唱到Solo部分,鏡頭隨即Zoom in首位主唱的保錡,身旁3位成員的俊臉即秒被打格,之後打落的Solo部分都係咁,非常爆笑!到歌曲尾聲,阿Dee仲疑似即興教大家念「愛印咒語」,一班粉絲仲即學即用紛紛留言:「沙般喇般Like A盤般,巴喇般般,枷喇共共。」不少網民更留言大讚好好聽、好正,193就呼籲:「應承我,每日聽193次直到我哋有budget拍MV為止,好嘛?」

片中都不乏一些製作花絮,睇吓佢哋把秀髮幾飄逸!

片中都不乏一些製作花絮,睇吓佢哋把秀髮幾飄逸!
《全民造星》監製花姐都有去探班,仲畀4子笑死!

《全民造星》監製花姐都有去探班,仲畀4子笑死!

鍾意就快D Share啦!