【18禁】直播爆老公唔打X機 吳若希語出驚人嚇窒林盛斌
已為人母的吳若希（Jinny）一向言行大膽，前晚她於社交網開Live宣傳新歌《這位蠢才》時，又再語出驚人！事緣直播時，其丈夫何兆鴻（Alex）一直在身後打機，即使Jinny喊肚餓、揶揄老公髮線向後移、自己地位比遊戲機低，Alex都不為所動，Jinny惟有邀請好友林盛斌（Bob）、張寶兒加入直播。其間，Jinny忽然當眾大爆Alex私事，令對方勁尷尬，她說：「佢係一個唔打X機嘅人，因為佢話好嘥時間，其實可能係講緊5至10分鐘，對比起打機2、3個鐘，佢話打機唔嘥時間，唔係好明佢對時間投入嘅觀念，係我有問題定點？」Bob聞言即嚇窒，並衝口問對方：「你癲咗呀？定飲醉咗呀？叫我點答你？每個人都唔同嘅，咪畀佢打陣機開心吓囉！」
對於Jinny忽然發表「偉論」，不少網民都留言大嗌「18禁」，有人更表示「未夠秤」並制止她繼續講！隨後，Jinny即補飛說：「呢個係好正常一個男仔會做嘅嘢，唔好神化咗佢，因為我發現華人社會比較少開口講呢樣嘢，但喺小朋友慢慢成長嘅過程裏面，我覺得呢啲係必須有嘅性教育，哈哈哈！」事後Bob回覆傳媒時，指Jinny只是搞吓笑，但坦言對方言論太爆，自己也霎時反應唔切。
來源 source: http://hd.stheadline.com
|
鍾意就快D Share啦！
|
|
|
