掃呢頁CODE去手機

2020年4月3日 星期五

吳若希:吳若希直播爆老公唔打飛機 Bob:你癲咗? #Bob #吳若希 #林盛斌

使唔使咁爆呀?歌手吳若希(Jinny)同老公Alex一向糖黐豆、形影不離,趁新歌《這位蠢才》兼其MV搭正零時零分出街,昨晚提早約一小時孖住開Live放 ...




使唔使咁爆呀?


歌手吳若希(Jinny)同老公Alex一向糖黐豆、形影不離,趁新歌《這位蠢才》兼其MV搭正零時零分出街,昨晚提早約一小時孖住開Live放閃光彈,甫開始就見到她猛影住打機中的Alex,即使Jinny嗌餓又取笑他髮線向上移,地位仍比遊戲機低。轉移視線不果的Jinny只好向好友堆埋手解悶,邀請多名好友玩共同直播,先有林盛斌(Bob)加入,一向敢言的Jinny突然當住1,500多名觀眾前大爆老公秘密,玩攻擊「洩憤」:「佢係一個唔打飛機嘅人,因為佢話好嘥時間,其實(打飛機)可能係講緊5至10分鐘,對比起打機2、3個鐘,佢話打機唔嘥時間,唔係好明佢對時間投入嘅觀念,係我有問題定點?」搞到Alex尷尬到爆,不發一言繼續打機,毫無反擊意思,果然是「愛妻號」!


面對「問題少女」的Bob,一臉錯愕後爆笑問:「你癲咗呀?定飲醉咗呀?叫我點答你?每個人都唔同嘅,咪畀佢打陣機開心吓!」就連Fans都笑話「我究竟聽咗啲咩?」、「黐線㗎,哈哈!」、「未夠18歲呀姐姐」,Jinny一見有未成年觀眾發言,大笑「趕客」,並再補充:「打飛機對男仔嚟講,係件好正常會做嘅嘢,唔好太神化,只係喺華人社會少開口講,對小朋友係性教育。」但仍壓制不住觀眾發炮式留言。


之後Jinny再邀請節目《姊妹淘》的主持兼好友張寶兒加入,因另一主持李君妍的家姐日前確診新冠肺炎,同一屋簷下的她成緊密接觸者,雖然寶兒指未曾跟對方合作過,但於Live期間坦言跟蔡嘉欣已接受口水快速測試,Jinny亦謂:「屋企有小朋友,為買個安心,都會去做測試,不過君妍目前測試結果係呈陰性,唔想搞到咁恐慌。」而二人均表示暫時不會參與《姊》錄影,正自我居家隔離。


Live尾聲時,Alex應老婆要求,終肯放下遊戲機化身廚男,大獻身手整豉油皇炒麵,令Jinny冧爆,不過當她品嘗過後,又「投訴」唔夠味,Alex即無奈撒退!



來源 source: http://hk.on.cc
鍾意就快D Share啦!