- 【楊明獻殷勤】梁美芬邊睇《機場特警》邊飲湯 TVB級演技讚嘆：湯好飲劇好睇
- 21分鐘前
人稱「鼠王芬」的親中立會建制議員梁美芬，在facebook上載影片。片中可見，她應身處辦公室，而她身旁擺放住大大個楊明燉湯店外賣袋，然後吮一啖湯讚嘆：「好味道呀！」
畫面一轉，鏡頭影住梁美芬邊看大台新劇《機場特警》邊飲湯，梁美芬再嚟個回眸一笑，話：「湯好飲，劇好睇！」嗰個「真摰」、「誠懇」嘅表情同語氣，去TVB爭取做視后啦，咪留喺政界喇。
識睇一定睇網民留言：「香港人交稅就係養埋呢啲智障」、「用納稅人嘅錢，請你煲劇」、「返工喺度煲劇炒得啦」、「霞姨！邊到搵件咁嘅怪獸番嚟」、「臨時演員都係演員」、「假到死，拍完之後倒晒啲湯」。
呢啲燉湯，斷估唔係梁美芬自己買返嚟，再自發幫手宣傳咁好死，應該係撐警楊明又出招，向梁美芬獻殷勤，博咩呢？
嗱，楊明撐警就愈撐愈黑仔，唔單只本人成為風尖浪口，連一間位於荔枝角工業大廈的燉湯店分店，亦因為只有「食物製造廠牌照」，即只能外賣不能堂食，但卻涉嫌違規俾食客食，而被食環署以無牌經營食肆罪行提出檢控。
事後，楊明該燉湯店分店，一度繼續擺放椅子並貼上「staff only」字眼，但食客則照樣使用椅子堂食，職員無表示。之後，椅子收返埋，但食客站著堂食，職員依然唔出聲。因此，有人質疑楊明燉湯店一直知法犯法，「staff only」等舉措又疑似想將堂食責任推卸俾食客。
楊明在私犯眾憎，在公惹官非，依家落力向親中人士獻殷勤，博咩呢？雞吃放光蟲，大家自己估喇。
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
-----------------------------
【昔日紙本檔案庫】
30年壹仔經典 壹壹重現！
-----------------------------
【全新電子書平台｜壹本書】
《沙士風暴》全面揭露沙士真相
來源 source: http://nextplus.nextmedia.com
|
鍾意就快D Share啦！
|
|
|
