吳若希有得唱非劇集歌。
歌手吳若希（Jinny）今日開Live宣傳新歌《這位蠢才》，期間提到唱非劇集歌時，她表示好開心感動歌曲，不用只在劇集插曲或主題曲聽到：「唱劇集歌唱咗咁多年，啲人唔知我唱過非劇集歌，其實唱劇集歌之前，幾隻碟都係唱自己歌，我係因為唱劇集歌多人識，覺得我係屬於劇集嗰瓣，所以當我可以唱非劇集歌嘅時候嗰個喜悅係好大，派歌前一晚仲瞓唔着覺，好期待！」她坦言有時都幾灰：「做咗歌手咁多年大家覺得我係藝人多過一個歌手，其實我想話畀大家聽我係唱歌。」
她續謂：「呢個機會我爭取咗好多年，所以我好珍惜今次機會，唔知下次幾時可以再派非劇集歌。」然後開始哽咽，其後爆喊表示：「其實真係感動！尋日第一日派歌收到朋友message，話我唱歌真係好好聽，佢同我講呢兩年冇乜聽我唱歌，因為好多都係劇集歌。」之後她喊到講唔到嘢，並用手抹眼淚：「想話畀人聽我識唱歌，同埋我有努力過同付出！」之後又笑言：「老公入咗嚟喺度笑我。」但她都感恩多謝公司，因為劇集令到其聲音去到更遠。
來源 source: http://hk.on.cc
|
鍾意就快D Share啦！
|
|
|
