黎青龍來頭很猛，肝臟科世界權威，任教港大醫學院49年，袁國勇也是他的學生。這等猛人近日竟然捱罵，有人不滿他以鮮色口罩配襯西裝，次次出鏡不同，似有炫富之嫌。
批評者有所不知，他派NGO口罩給露宿者、長者及少數族裔。炫富？No way。自用的鮮色口罩，則是朋友從南韓買來送他的。疫下日子很苦，黎教授不過苦中作樂。他這樣看疫情：「我唔係驚得咁緊要，應該緊張，應該檢點，做隔離，但我覺得唔應該咁苦。」
黎青龍應記者要求，訪問這天展示多套西套，彩虹七色只沒帶橙、紫，幸好黃、藍俱在。其實他不談政治，只講良心，疫情之初力倡封關，去年又排人鏈抗議white terror。白色恐怖不可取，白色西裝則靚絕。「喂，我着乜嘢都靚喎」，他說：「唔着仲靚！」每套西裝4,000至6,000元不等，每三至五年做一套。71歲的他說：「因為我夠老，所以多衫啲，但講真我唔係做咁多衫。」
何以鍾愛斑斕色彩？「人醜靠衣裝，人老用鮮色藏！」老師是花蝴蝶，變色龍，怎麼高足袁國勇來來去去同一件外套？黎教授說：「以我所知唔係，佢有唔同顏色，雖然一樣款。」天下醫生穿白袍，黎青龍早在1992年解下白袍，他說：「呔都唔應該打，如果垂落嚟會掂到病人，傳染到，所以一係唔好打呔，一係好似我打煲呔就冇事。」
既然今次訪問以色為題，記者問黎青龍，與愛人緊密接觸也着西裝嗎？他笑說：「有啲私隱權得唔得？」疫情下性生活也受影響？「疫情對我性生活一啲影響都冇。」根本沒有性生活？「你又點知？」這個活寶最愛Pokémon，捉精靈時也保持社交距離，光顧食肆限四人一桌，「我要振興香港經濟，所以晚晚出街食，我唔煮飯。」若要保持社交、性交距離，黎教授有沒有自我安慰？「私隱得唔得呀？頭先講咗」
疫情下可否召妓，光顧一樓一處所？「疫唔疫情都唔應該召妓，好危險！我覺得唔應該召妓，尤其而家疫情未完，你上大陸，俾人捉到困你14日！」純粹學術討論，上下戴罩安全了吧？「如果你真係真係要，唔該你上面戴double mask，下面double condom！」孖套是說笑，不應嫖妓是正經，切記。
黎教授用過一、兩次Zoom上課，自言不喜歡，「對住個computer，有冇搞錯？教書真人表演先好。」今年中大以至英國劍橋醫科考試不用面對病人，港大堅持要有對手，「如果你係病人，你個醫生同你講『我考試時冇睇過病人』，你信唔信個醫生？」
停課已久，萬一全世界學生留級一年就慘了，他說：「如果嚟緊一年冇新醫生就慘囉，已經唔夠醫生，仲要冇新醫生。喺外國請？外國而家唔用病人考試，請晒啲咁嘅醫生。」他認為只要場地大，保持距離，DSE可以去馬。
武肺長者死亡率高，黎青龍不擔心，「我啲咁嘅死老坑……我啲咁嘅老坑，如果染到可能有咩事都未定，但我唔係特別驚。我做足三樣嘢，social distancing、戴mask同埋洗手，冇乜理由我會染到，除非你特登喺我（口罩）側邊吐口水落去。」他認為政府抗疫之初慢幾拍，落後台、澳，如今表現還可以。據他所看，林鄭月娥與其夫還有性生活嗎？「咁你問林鄭同佢老公先知！」
記者：陳勝藍
場地提供：Refinery
-----------------------------
讀果上架
-----------------------------
App內1-Click訂閱《蘋果動新聞》
來源 source: http://hk.entertainment.appledaily.com
|
鍾意就快D Share啦！
|
|
|